উচ্চতম ন্যায়ালয়ৰ মুখ্যন্যায়াধীশ হিচাপে শপত ল’লে ন্যায়াধীশ এন ভি ৰামানাই। শনিবাৰে ৰাষ্ট্ৰপতি ভৱনত তেওঁ ৰাষ্ট্ৰপতি ৰামনাথ কোৱিন্দৰ ওচৰত দেশৰ মুখ্য ন্যায়াধীশ হিচাপে শপত লয়।
ন্যায়াধীশ এছ এ ব’বদেই কালি ২৩ এপ্ৰিলত অৱসৰ গ্ৰহণ কৰে। দেশৰ ৪৮তম ৰাষ্ট্ৰপতি হিচাপে এন ভি ৰামানাই শপত গ্ৰহণ কৰে।
ন্যায়াধীশ ৰামানাই কয় যে কৰ’নাৰ দ্বিতীয় ঢৌ-ৰ বিৰুদ্ধে সমগ্ৰ দেশে যুঁজ দিছে। আমি সকলোৱে এক কঠিন পৰীক্ষাৰ মাজেৰে আগবাঢ়িছো। অধিবক্তা, ন্যায়াধীশ আৰু আদালতৰ কৰ্মচাৰীসকল ভাইৰাছত আক্ৰান্ত হৈছে। সংক্ৰমণৰ এই শৃংখলা ভঙাৰ বাবে কিছু কঠোৰ পদক্ষেপ ল’ব লগা হ’ব পাৰে। এই মহামাৰীৰ বিৰুদ্ধে আমি একেলগে যুঁজিম।
ন্যায়াধীশ এছ এ ব’বডেৰ পৰামৰ্শ অনুসৰিয়েই তেওঁৰ স্থানত পৰৱৰ্তী মুখ্য ন্যায়াধীশ হিচাপে দায়িত্ব লৈছে এন ভি ৰামানাই।
অন্ধ্ৰ প্ৰদেশৰ এটা কৃষক পৰিয়ালত ১৯৫৭চনৰ ২৭ আগষ্টত এন ভি ৰামানাৰ জন্ম গ্ৰহণ কৰিছিল। ২০০০চনৰ জুন মাহত তেওঁ প্ৰথম অন্ধ্ৰ প্ৰদেশ উচ্চ ন্যায়ালয়ৰ স্থায়ী ন্যায়াধীশ হিচাপে নিযুক্ত হৈছিল।
ইয়াৰ পাছত তেওঁ কিছুদিন দিল্লী উচ্চ ন্যায়ালয়ৰ মুখ্য ন্যায়াধীশ হিচাপেও নিযুক্ত হৈছিল। পাছত ২০১৪চনৰ ফেব্ৰুৱাৰী মাহত উচ্চতম ন্যায়ালয়ত নিযুক্তি লাভ কৰাত পাছত এইবাৰ তেওঁ সৰ্বোচ্চ ন্যায়ালয়খনৰ মুখ্য ন্যায়াধীশৰ দায়িত্ব গ্ৰহণ কৰিব।
বাতৰি অনুসৰি, উচ্চতম ন্যায়ালয়ৰ মুখ্য ন্যায়াধীশ হিচাপে তেওঁৰ কাৰ্যকাল অহা ২০২২চনৰ ২৬ আগষ্ট পৰ্যন্ত থাকিব।
