ক’ৰ’নাৰ সংক্ৰমণ ৰোধ কৰাৰ বাবে প্ৰধান মন্ত্ৰী নৰেন্দ্ৰ মোদীয়ে সমগ্ৰ দেশত দ্বিতীয় পৰ্যায়ৰ বাবে ৩ মে’লৈ ল’কডাউন বৃদ্ধি কৰাৰ পাছত দেশৰ বিভিন্ন প্ৰান্তত আৱদ্ধ হৈ পৰিছে জনসাধাৰণ।
দেশৰ লগতে অসমৰো বিভিন্ন স্থানত কৰ্মৰত লোক সকল আৱদ্ধ হৈ পৰিছে ল’কডাউনৰ ফলশ্ৰুতিত।
অসম চৰকাৰৰ তৰফৰ পৰা ৰাজ্যৰ বিভিন্ন জিলাত আৱদ্ধ হৈ থকা লোকসকলক ঘৰলৈ যোৱাৰ বাবে ২৫, ২৬ আৰু ২৭ তাৰিখে যাত্ৰা কৰিব পাৰিব বুলি ঘোষণা কৰিছিল স্বাস্থ্য মন্ত্ৰী হিমন্ত বিশ্ব শর্মাই।
অসম চৰকাৰে এই সকল লোকৰ বাবে পাচ(অনুমতি পত্ৰ)ৰ ব্যৱস্থা কৰিব বুলি ঘোষণা কৰিছিল।
এই ঘোষণাৰ পাছতে প্ৰয়োজনীয় পাচৰ কামত দিনে-নিশাই কাম অব্যাহত ৰাখিছে কামৰূপ জিলা প্ৰশাসনে ৷
হোৱাটচএপ আৰু অনলাইন যোগে প্ৰায় ছয় সহস্ৰাধিকৰো অধিক লোকে পাচৰ বাবে আবেদন কৰিছে ৷ এই আবেদনসমূহ পৰীক্ষা কৰি বৃহস্পতি বাৰে দুপৰ নিশালৈ আবেদন সমূহ পৰীক্ষা কৰি ১,০০০ গৰাকী লোকক অনুমতি পত্ৰ দিয়াৰ বিপৰীতে প্ৰায় ১,২০০ গৰাকী লোকৰ বিভিন্ন কাৰনত আবেদন বাতিল কৰা হয়।
এই কথা জানিবলৈ দিয়ে কমৰূপ মহানগৰ জিলাৰ অতিৰিক্ত উপাযুক্ত বিপুল দাসে ৷
আনহাতে, জিলা প্ৰশাসনৰ হোৱাটচএপৰ সলনি বহুতে ফোন নম্বৰটিত ফোন কৰিছে বুলি জানিব দিয়ে ফলত অসুবিধা সৃষ্টি হৈছে ৷ সেয়ে দাসে ফোন নকৰি হোৱাটচআপত যোগাযোগ কৰিবলৈ আহ্বান জনাই জনসাধৰনক ৷
উপাযুক্ত বিশ্বজিৎ পেগুৱে নিজেই প্ৰতিটো কামৰ তদাৰক কৰিছে ৷ আনকি দুপৰ নিশালৈ অনলাইন যোগে অহা প্ৰতিখন আবেদন পৰীক্ষা কৰি নিশা উজাগৰে থাকি হলেও সকলো লোকক আজিৰ ভিতৰতে অহা আৰু যোৱাৰ পাচ দিব বুলি জনাই অতিৰিক্ত উপাযুক্ত গৰাকীয়ে ৷
