সোমবাৰে নিশা কাজিৰঙা ৰাষ্ট্ৰীয় উদ্যানৰ বুঢ়াপাহাৰ বনাঞ্চলৰ পৰা আহি থকাৰ সময়ত কুঠৰিত এক দূৰ্ঘটনাত পতিত হয় ৰাষ্ট্ৰীয় উদ্যানখনৰ ডি এফ অ’ ৰোহিনী বল্লভ শইকীয়া।
দূৰ্ঘটনাৰ সময়ত ডি এফ অ’ই এখন জিপছী গাড়ীৰে আহি আছিল। আৰু ঠিক সেই সময়তে কুঠৰীত ৩৭ নং ৰাষ্ট্ৰীয় ঘাইপথত ডি এফ অৰ বাহনখনক পিছফালৰ পৰা এখন মালবাহী ট্ৰাকে খুন্দা মাৰে। ফলত জিপছী গাড়ীখনে এটা বিদ্যুৎ পৰিবাহী তাঁৰৰ খুটাত খুন্দিয়াই পথৰ কাষতে বাগৰি পৰে।
জানিব পৰা মতে গাড়ীখনত ডি এফ অৰ উপৰি গাড়ী চালক আৰু এজন দেহৰক্ষী আছিল৷ দুৰ্ঘটনাটোৰ ফলত ডি এফ অ’ গৰাকীৰ দেহৰক্ষী ফাৰুক আহমেদ গুৰুতৰভাৱে আহত হোৱাৰ বিপৰীতে ডি এফ অ ৰোহিনী বল্লভ শইকীয়া আৰু চালক আকেল আলী সামান্য পৰিমানে আহত হয়।
ইফালে আহত দেহৰক্ষী ফাৰুক আহমেদক চিকিৎসাৰ বাবে তেজপুৰৰ চিকিৎসালয়লৈ প্ৰেৰণ কৰা হয়। সম্প্ৰতি ফাৰুক আহমেদ বিপদমুক্ত বুলি চিকিৎসকে জানিবলৈ দিছে।
