অসম চৰকাৰে যোৱা ২৯ জুন তাৰিখে কেবিনেট বৈঠকত গ্রহণ কৰা অসম ক্ষুদ্র, লঘু আৰু মজলীয়া উদ্যোগ ( প্রতিষ্ঠা তথা পৰিচালনা সাহায্য ) অধাদেশ-২০২০ ৰ যােগেদি অসমত উদ্যোগ প্রতিষ্ঠাৰ ক্ষেত্রত কিছু নতুন নীতি-নিয়ম বলবৎ কৰিছে।
এই অধ্যাদেশ বাতিলৰ দাবীত ৰাজ্যৰ বিভিন্ন প্ৰান্তৰ লগতে আজি বোকাখাততো কৃষক মুক্তি সংগ্ৰাম সমিতিয়ে প্ৰতিবাদ সাব্যস্ত কৰে৷
আজি বোকাখাতৰ ৰাজহ চক্ৰ বিষয়াৰ কাৰ্যালয়ৰ সন্মুখত কৃষক মুক্তি সংগ্রাম সমিতিয়ে অনশন কাৰ্যসুচী ৰূপায়ণ কৰে৷
অনশন কাৰ্যসুূচীৰে কৃষক মুক্তি সংগ্ৰাম সমিতিৰ বোকাখাত মহকুমা সমিতিয়ে সাত দফীয়া দাবীৰে এই অধ্যাদেশ বাতিলৰ দাবী জনায়৷
অনশনৰ শেষত কৃষক মুক্তি সংগ্ৰাম সমিতিৰ বোকাখাত মহকুমা সমিতিৰ সভাপতি হৰেণ শইকীয়া আৰু সম্পাদক দিন গগৈৰ দ্বাৰা স্বাক্ষৰিত সাত দফীয়া দাবীৰ এখন স্মাৰক পত্ৰ অসমৰ মুখ্য মন্ত্ৰীলৈ বুলি ৰাজহ চক্ৰ বিষয়াৰ হাতত প্ৰদান কৰে৷
