Popular cars to be discontinued in 2023 দেশত ২০২৩ চনৰ এপ্ৰিলৰ পৰা আৰম্ভ হ’ব নতুন নিৰ্গমন নীতি। ইয়াৰ ফলস্বৰূপে, বহুতো জনপ্ৰিয় গাড়ী নিৰ্মাতা সংস্থা সমস্যাত পৰিব। শেহতীয়া এক প্ৰতিবেদন অনুসৰি, নতুন নিয়মৰ সৈতে তাল মিলাব নোৱাৰাৰ বাবে এপ্ৰিলৰ পৰা দেশত ১৭ খন গাড়ীৰ বিক্ৰী বন্ধ কৰা হ’ব। তালিকাত দেশৰ অন্যতম জনপ্ৰিয় গাড়ী Maruti Alto 800 ৰ নামো অন্তৰ্ভুক্ত আছে।
ৰিয়েল ড্ৰাইভিং এমিছন (RDE) আইন ২০২৩ চনৰ এপ্ৰিলৰ পৰা ভাৰতত আৰম্ভ হ’ব। নতুন নিয়মবোৰ পালন কৰিবলৈ সক্ষম নোহোৱাৰ বাবে মুঠ ১৭ টা মডেলৰ বিক্ৰী কৰা হৈছে। সৰ্বভাৰতীয় সংবাদ মাধ্যমত প্ৰকাশিত শেহতীয়া প্ৰতিবেদনত এই তথ্যবোৰ প্ৰকাশ পাইছে।
নতুন নিয়মৰ অধীনত সকলো বাহনত এক ছেল্ফ ডায়’গ্নেষ্টিক ডিভাইচ স্থাপন কৰা হ’ব। এই চেন্সৰে গাড়ী চলোৱাৰ সময়ত নিৰ্গমনৰ স্তৰ চিনাক্ত কৰিব। আৰ ডি ই চেন্সৰে প্ৰকৃত সময়ত গাড়ীখনে কিমান NOx নিৰ্গত কৰি আছে সেয়া জোখাত সক্ষম হ’ব। ফলস্বৰূপে গাড়ীখনৰ মূল্য বৃদ্ধি হ’ব। যিটো গ্ৰাহক আৰু গাড়ী নিৰ্মাতাসকলৰ বাবে ভাল খবৰ নহয়। নতুন নিয়মৰ দ্বাৰা ডিজেল চালিত গাড়ীবোৰ আটাইতকৈ বেছি প্ৰভাৱিত হ’ব।
প্ৰতিবেদন অনুসৰি, কিছুমান কোম্পানীয়ে নতুন নিয়মৰ সৈতে তাল মিলাবলৈ বিশেষ ব্যৱস্থা লোৱাৰ সিদ্ধান্ত লৈছে। অৱশ্যে, যদি তেওঁলোকে নতুন নিয়মৰ সৈতে তাল মিলাব নোৱাৰে, তেতিয়া কিছুমান গাড়ীৰ বিক্ৰী স্থায়ীভাৱে বন্ধ হ’ব পাৰে।
Maruti Alto 800-ৰ উপৰিও, তালিকাখনত Tata Altroz ডিজেল, Renault Kwid 800, Mahindra Alturas G4, Mahindra Marazzo, Mahindra KUV100, Nissan Kicks, Toyota Innova Crysta পেট্রল, Skoda Octavia, Skoda Superb , Hyundai i20 ডিজেল, Hyundai Verna ডিজেল, Honda City 4th Gen, Honda City 5th Gen ডিজেল, Honda Amaze ডিজেল, Honda Jazz আৰু Honda WR-V আদি গাড়ী অন্তৰ্ভুক্ত আছে।
অৱশ্যে নতুন Alto 800 এতিয়াও কোম্পানীৰ ৱেবছাইট আৰু সকলো ডিলাৰশ্বিপৰ পৰা বিক্ৰী হৈ আছে। ২০২২ চনৰ আগষ্টত Maruti Suzuki K10 ভাৰতত মুকলি কৰা হৈছিল। গাড়ীখনত 1.0-লিটাৰ K10 ইঞ্জিন ব্যৱহাৰ কৰা হৈছে। এই আৰ্হিটো Alto 800 তকৈ দীঘল আৰু ওখ। কেবিনত 7.0 ইঞ্চিৰ টাচস্ক্ৰীণ ডিচপ্লে আছে। তদুপৰি, মাৰুতি চুজুকীয়ে ডিজিটেল স্পিডোমিটাৰ আৰু ষ্টিয়েৰিঙত বিভিন্ন কন্ট্ৰ’ল দিছে।
