শুকুৰবাৰে পুৱাই টকিঅ’ অলিম্পিকত ভাৰতৰ হৈ দ্বিতীয়টো পদক নিশ্চিত কৰি দেশৰ বাবে গৌৰৱ কঢ়িয়াই আনিছে লাভলীনা বৰগোঁহাইয়ে।
শক্তিশালী প্ৰতিপক্ষ চাইনীজ তাইপে’ৰ বক্সাৰ নিয়েন চিন চেনক ৪-১ ব্যৱধানত পৰাস্ত কৰি মহিলাৰ বক্সিঙৰ ওৱেল্টাৰৱেইট শাখাত ছেমিফাইনেলত প্ৰৱেশ কৰে।
লাভলীনা বৰগোঁহাইৰ বিষয়ে নজনা কেইটামান জানিবলগীয়া তথ্য জানি থওক।
*অসমৰ গোলাঘাটৰ বাৰমুখীয়াত ১৯৯৭চনৰ ২ অক্টোবৰত লাভলীনা বৰগোঁহাইয়ে জন্মগ্ৰহণ কৰে।
*অসমৰ প্ৰথম মহিলা আৰু দ্বিতীয় বক্সাৰ হিচাপে লাভলীনাই অলিম্পিক খেলাৰ যোগ্যতা অৰ্জন কৰে।
* অসমৰ পৰা প্ৰথম গৰাকী এথলেট হিচাপে অলিম্পিকত পদক অৰ্জন কৰিবলৈ আগবাঢ়িছে ২৩ বছৰীয়া লাভলীনা বৰগোঁহাইয়ে।
*অলিম্পিকৰ পূৰ্বে যোগ্যতা অৰ্জনৰ বাবে যোৱা বছৰ ১৫ অক্টোবৰৰ পৰা ৫ডিচেম্বৰলৈকে ইটালীত নিজৰ প্ৰস্তুতি চলাইছিল লাভলীনাই।
*লাভলীনাই ২০১৮ আৰু ২০১৯চনত বিশ্ব চেম্পিয়নশ্বিপত ব্ৰঞ্জৰ পদক অৰ্জন কৰাৰ লগতে ২০১৭ আৰু ২০২১চনত এছিয়ান চেম্পিয়নশ্বিপতো ব্ৰঞ্জৰ পদক জয় কৰিছিল।
*লাভলীনা বৰগোঁহাইয়ে ২০২০ বৰ্ষত অৰ্জুন পুৰস্কাৰেৰে সন্মানিত হয়। এই পুৰস্কাৰ গ্ৰহণ কৰাৰ বাবে লাভলীনাই একেৰাহে ২৬ দিন কোৱাৰেন্টাইনত থাকিবলগীয়া হৈছিল।
