শেহতীয়াকৈ ভাইৰেল হৈছে মুম্বাই ইণ্ডিয়ানছৰ খেলুৱৈ ৰোহিত শৰ্মা আৰু হাৰ্দিক পাণ্ডিয়াৰ সৈতে এগৰাকী অভিনেত্ৰী ছেজল জয়ছোৱালৰ এখন ছবি। তাৰকা খেলুৱৈসকলৰ কাষত থিয় হৈ থকা ছেজলক দেখি বহু লোকৰ মনত এই প্ৰশ্নই উত্থাপিত হৈছে ‘কোন এই যুৱতী’? ছেজল পেছাত এগৰাকী অভিনেত্ৰী।
নাগালেণ্ডভিত্তিক অভিনেত্ৰীগৰাকীয়ে কয় যে তেওঁ চাৰ্টাৰ্ড বিমানৰ জনসংযোগ পৰামৰ্শদাতা হিচাপে কাম কৰি আছে। গতিকে তেওঁক মুম্বাই ইণ্ডিয়ানছ আৰু লক্ষ্ণৌ ছুপাৰ জায়েন্টছৰ দৰে আই পি এল দলক লগ কৰিবলৈ অনুমতি পাইছে।
হিন্দুস্তান টাইমছৰ আগত ছেজল জয়ছোৱালে কয় যে, `পুৱা টোপনিৰ পৰা সাৰ পাইয়ে দেখোঁ মোৰ ফোনত নটিফিকেচনৰ জোৱাৰ। এটা ৰিল দেখিলোঁ, যিটো কেৱল মোৰ পৰিচয় জানিবলৈকে বনোৱা হৈছিল। কিন্তু মই ৰহস্যময়ী হৈ থাকিব বিচাৰো কাৰণ ই অধিক আমোদজনক’।
তেওঁ লগতে কয়, ‘সেয়ে, মই আই পি এল দলকে ধৰি হাই-এণ্ড ক্লায়েণ্টৰ সৈতে বিমানত উঠো। ক্ৰিকেট অনুৰাগী হিচাপে বাস্তৱ জীৱনত ক্ৰিকেট খেলুৱৈক চিনি পোৱাটো এক ডাঙৰ অনুভৱ।’
ভাইৰেল হোৱাৰ এসপ্তাহৰ ভিতৰতে জয়ছোৱালৰ ইনষ্টাগ্ৰাম ফ’ল’ৱাৰৰ সংখ্যা ৭০ হাজাৰৰ পৰা ১ লাখ ২০ হাজাৰলৈ বৃদ্ধি পায়। আই পি এলৰ অনুৰাগীয়ে তেওঁৰ কমেণ্ট ছেকচনত মৰমেৰে উপচাই দিছে।
ইমান মনোযোগ পাই কেনে লাগিছে? ছেজলে কয়, ‘ক্ৰিকেটাৰৰ লগত মোৰ বিষয়ে বহু মিম আৰু জোকছ্ হৈছে। কিন্তু তেওঁলোকৰ লগত মোৰ পেছাদাৰী সম্পৰ্ক। তেওঁলোক অতি সহানুভুতিশীল আৰু শ্ৰদ্ধাশীল।’
ছেজলে ৰোহিত শৰ্মাক লগ পোৱাটো অত্যন্ত ভাল লগা অনুভৱ বুলি কয়। ছেজলে ‘দিল মাংগে ম’ৰ’ আৰু ‘ডেটিং ইন দ্য ডাৰ্ক’ৰ দৰে ধাৰাবাহিকত অভিনয় কৰিছে। চেজালৰ ভাষাত `তেওঁ অতি ডাউন টু আৰ্থ। আমি একেলগে আড্ডা মাৰিছো। আনকি আমি খাখৰা (গুজৰাটী খাদ্য)ও ভাগ কৰি খাইছো।‘
