Kylian Mbappe’s rumoured girlfriendকেলিয়ান এমবাপেক পুনৰ পৰিচয় দিয়াৰ কোনো প্ৰয়োজন নাই। লিঅ’নেল মেছি আৰু ক্ৰিষ্টিয়ানো ৰোনাল্ডোৰ পিছতে এই ফৰাচী তাৰকাই ফুটবলৰ আকাশ আলোকিত কৰি তুলিছে। ৰাছিয়াৰ পিছত ফিফা বিশ্বকাপ ২০২২তো এমবাপেই বুজাই দিছে যে ভৱিষ্যতে ফুটবলত দৰ্শকে তেওঁকে চাবলৈ আহিব।
তেওঁ এতিয়া সৰ্বকালৰ সৰ্বশ্ৰেষ্ঠৰ তালিকাত তেওঁৰ নাম অন্তৰ্ভুক্ত কৰিছে। খেলপথাৰত আৰু বাহিৰতো শিৰোনামত থকাটো পেৰিছ ছেইণ্ট জাৰ্মেইন এফ.চি.-ৰ ২৩ বছৰীয়া ফুটবলাৰগৰাকীৰ বাবে নতুন কথা নহয়।
ঠিক যেনেদৰে ভয়ংকৰ ড্ৰিবলিং, বলৰ সৈতে চিতাৰ দৰে দৌৰ, আৰু ফটোফিনিচ এমবাপেৰ বিশেষত্ব, তেওঁৰ হৃদয়ৰো কিছুমান বৈশিষ্ট্য আছে। প্ৰেম- ভালপোৱাত সদায় ভালেই আছে এমবাপে।
ইমানদিনে জনা গৈছিল যে এমবাপে ফ্ৰান্সৰ প্ৰথম ট্ৰেন্স মডেল ইননেছ ৰাউৰ প্ৰেমত মজি আছে। কিন্তু বিশ্বকাপৰ পৰিপ্ৰেক্ষিতত বজাৰত নতুন খবৰ আহিছে। শুনা গৈছে যে ইননেছ এমবাপেৰ জীৱনৰ অতীত হৈ পৰিছে। এমবাপেৰ মনত এতিয়া ‘গোলাপ’ ফুলিছে।
এমবাপে সম্প্ৰতি বেলজিয়ামত জন্মগ্ৰহণ কৰা ফ্ৰান্সৰ বাসিন্দা ৰ’জ বাৰ্টৰামৰ সৈতে ডেটিং কৰি আছে। ২৭ বছৰীয়া ৰ’জে ইতিমধ্যে পেৰিছৰ ফেশ্বন উদ্যোগত সুনাম গঢ়ি তুলিছে। ১৩ বছৰ বয়সৰ পৰা ৰ’জে ল’ৰিয়েল আৰু এইচ এমৰ দৰে বিশ্ববিখ্যাত ব্ৰেণ্ডৰ সৈতে কাম কৰি আহিছে। ৰ’জৰ বয়স এতিয়া ২৭ বছৰ।
শুনা গৈছে যে তেওঁ এমবাপেক বশ কৰিবলৈ ফ্ৰান্সৰ পৰা কাটাৰলৈও আহিছে। অৱশ্যে, এমবাপে ৰ’জৰ জীৱনৰ প্ৰথম পিএছজি খেলুৱৈ নহয়, ৰ’জ ডাচ ডিফেণ্ডাৰ গ্ৰেগৰী ভান ডাৰ ৱেইলৰ সৈতে চাৰি বছৰীয়া সম্পৰ্কত আছিল। ভেন ডাৰ ডেৰে ২০১২-২০১৬ বৰ্ষৰ পৰা পিএছজিত খেলিছিল। সেই সময়ত ৰ’জ ভান ডাৰেৰ বিশেষ ব্যক্তি আছিল। এতিয়া শুনা গৈছে যে ৰ’জ এমবাপেৰ সৈতে গভীৰ সম্পৰ্কত মজি আছে। অৱশ্যে, কোনেও এই বিষয়ে এতিয়ালৈকে মুখ খোলা নাই।
