পাশ্চাত্য সংস্কৃতিৰ গ্ৰাসত ৰাজ্যখনৰ থলুৱা লোকসংস্কৃতি সমূহ হেৰাই যোৱা উপক্ৰম হোৱাৰ সময়তে বুধবাৰে কলিয়াবৰৰ কুঁৱৰীটোলৰ ৩৭নং ৰাষ্ট্রীয় ঘাইপথৰ কাষৰ ব্যৱসায়ীক আস্থানত স্থানীয় কেইজনমান যুৱ ব্যৱসায়ীয়ে হাতত ল’লে লোকসংস্কৃতিক জীয়াই ৰখাৰ এক ব্যতিক্ৰমী প্ৰয়াস।
কলিয়াবৰৰ কুঁৱৰীটোলত কেইজনমান সংস্কৃতিবান যুৱ প্ৰজন্মৰ ব্যৱসায়ীয়ে স্থানীয় ৰাইজৰ সহযোগত কলিয়াবৰৰ কেইবাজনো লোকসংস্কৃতিৰ শিল্পীক একগোট কৰি লোকসংগীতৰ এক অনুষ্ঠান অনুষ্ঠিত কৰে।
লোকগীত, টোকাৰী গীত, থলুৱা ডুটোৰা, বাঁহী, খঞ্জৰী, তাল, ঢোলকী ইত্যাদি লোকসংস্কৃতিৰ বাদ্যযন্ত্ৰ ব্যৱহাৰ কৰি অনুষ্ঠিত হোৱা অনুষ্ঠানটোত ৰাইজৰ সঁহাৰিত পৰিবেশটো জীপাল হৈ উঠা পৰিলক্ষিত হয়।
আনহাতে স্থানীয় ৰাইজে অনুষ্ঠানতোৰ লগত জড়িত শিল্পীবৃন্দকে আদি কৰি আয়োজক সকলৰ উজ্জ্বল ভৱিষ্যত কামনা কৰাৰ লগতে অনাগত দিনতো এনেধৰণৰ অনুষ্ঠানসমূহ আয়োজন কৰি নৱপ্ৰজন্মৰ সমাজত এক লোকসংস্কৃতিৰ বাতাবৰণ জীয়াই ৰখাৰ আহ্বান জনায়।
