যোৱা কেইবাদিন ধৰি হৈ থকা নেৰানেপেৰা বৰষুণৰ বাবে আই নদীৰ পানী ক্ৰমান্বয়ে উফন্দি উঠিবলৈ লৈছে। যাৰ বাবে বাঢ়নী পানীয়ে বঙাইগাঁও জিলাৰ উত্তৰ অভায়াপুৰী সমষ্টিৰ আইনদীৰ ওপৰত বৰঘোলা-কাহিবাৰী পাৰঘাটৰ বাঁহৰ সাঁকো উটুৱাই লৈ যায়।
২০০৯ চনত প্ৰয়াত মূখ্যমন্ত্ৰী তৰুণ গগৈয়ে ৪০ কোটি ৪৪ লাখ টকা ব্যায়ৰে ৪৮০ মিটাৰ দলঙৰ কামৰ আধাৰশিলা স্থাপন কৰিছিল।
২০১৮ চনত দলঙৰ কাম প্ৰায় সম্পূৰ্ণ হয় যদিও আইনদীৰ গৰাখহনীয়াৰ ফলত দলঙৰ পূব ফালেদি নদী ওলাই যায়, তেতিয়া দলংখন নদীৰ মাজভাগত পৰে।
পিছত ব্যক্তিগতভাৱে নিৰ্মাণ কৰা বাহৰ সাঁকোৰে শ শ লোকে পাৰাপাৰ হৈ আছিল যদিও সাঁকোখন বাঢ়নী পানীয়ে উটুৱাই লৈ যায়। সেইবাবে যন্ত্ৰ চালিত নাৱেৰে বিপদসংকুলভাৱে যাতায়ত কৰিব লাগীয়া হৈছে পথচাৰী সকলে। সুযোগ বুজি লেছীয়ে অত্যাধিক ভাড়া লোৱাৰ অভিযোগ উত্থাপন কৰিছে পথচাৰীয়ে।
বিগত ১১টা বছৰত দলং খন সম্পুৰ্ণ কৰিব নোৱাৰাৰ বাবে বিভিন্ন জনে কয় যে কেৱল কামৰ আৰম্ভণি কৰি ঢাক ঢোল বজালেই নহব, কামটো সমাপ্ত কৰাৰ বাবে চেষ্টা কৰিব লাগিব।
বৰ্তমান বাহৰ সাঁকোখন নদীৰ কোৱাল সোঁতত উটি যোৱাৰ বাবে যমৰ যাতনা ভূগিব লগা হৈছে পথচাৰী সকলে।
সেয়ে নতুন চৰকাৰ তথা স্থানীয় বিধায়ক আব্দুল বাতিন খন্দকাৰক সোনকালে ব্যৱস্থা লবলৈ দাবী জনাইছে স্থানীয় ৰাইজে।
মন কৰিবলগীয়া কথা হ’ল যে ২০০৯ চনত আধাৰশিলা স্থাপন কৰা দলং আজোকোপতি সম্পুৰ্ণ নোহোৱাত বিধায়ক আব্দুল বাতিন খন্দকাৰে কেনে পদক্ষেপ গ্ৰহণ কৰে সেয়া সময়ত লক্ষণীয় হব।
