আই পি এল ২০২৫ ৰিটেনচন ঘোষণা কৰা হৈছে। কোনটো দলে কাক ৰিটেইন কৰিলে? কোনটো দলে কাক এৰিলে? কোন দলে কাক কিমান টকা দিব? বিগত কেইমাহমান ধৰি চলি থকা জল্পনা-কল্পনাৰ বৃহস্পতিবাৰে অন্ত পৰিল। কাৰণ আই পি এলৰ ১০ টা দলৰ আটাইকেইটা দলৰ ৰিটেইনড খেলুৱৈৰ তালিকা বৃহস্পতিবাৰে বিয়লি প্ৰকাশ কৰা হয়।
দীপাৱলীৰ সন্ধিয়া ৰিটেনচনৰ ‘আশীৰ্বাদ’ কোনে পালে? কলকাতা নাইট ৰাইডাৰ্ছ, চেন্নাই ছুপাৰ কিংছ, মুম্বাই ইণ্ডিয়ানছ, ৰয়েল চেলেঞ্জাৰ্ছ বেংগালুৰু, দিল্লী কেপিটেলছ, ৰাজস্থান ৰয়েলছ, লক্ষ্ণৌ ছুপাৰ জায়েণ্টছ, গুজৰাট টাইটানছ, ছানৰাইজাৰ্ছ হায়দৰাবাদ আৰু পঞ্জাব কিংছৰ ৰিটেনচন তালিকা ওলাল।
লক্ষ্ণৌ ছুপাৰ জায়েন্টছৰ স্বত্বাধিকাৰী সঞ্জয় গোৱেংকাই পুনৰ কে এল ৰাহুলক আক্ৰমণ কৰিলে? আই পি এল ৰিটেনচন লিষ্ট প্ৰকাশ কৰাৰ পিছত তেওঁ কয়, ‘আমি সহজ মানসিকতাৰে আগবাঢ়িছো। যিসকল খেলুৱৈৰ জয়ৰ মানসিকতা আছে, যিসকল খেলুৱৈয়ে দলটোক নিজৰ ব্যক্তিগত লক্ষ্য আৰু আকাংক্ষাৰ ওপৰত ৰাখে, আমি তেওঁলোকক ধৰি ৰাখিব বিচাৰিছো।’
ৰয়েল চেলেঞ্জাৰ্ছ বাংগালুৰু (আৰ চি বি)ৰ অধিনায়ক হ’ব নেকি বিৰাট কোহলি? আৰচিবিৰ পৰিচালনা সমিতিয়ে স্পষ্ট কৰিলে। আই পি এলৰ ৰিটেনচন লিষ্ট প্ৰকাশৰ দিনাই মুম্বাইয়ে তেওঁলোকৰ অধিনায়কৰ নাম ঘোষণা কৰিলে যদিও আৰ চি বিয়ে সেই পথেৰে আগবাঢ়িব নোৱাৰিলে।
কলকাতা নাইট ৰাইডাৰ্ছ (কে কে আৰ)ৰ দৰেই ৰাজস্থান ৰয়েলছে ৬জন খেলুৱৈক ধৰি ৰাখিছে। সঞ্জু চেমচন আৰু যশস্বী জয়ছৱালে লাভ কৰে ১৮ কোটিকৈ টকা। ৰিয়ান পৰাগ আৰু ধ্ৰুৱ জুৰেলে লাভ কৰিলে ১৪ কোটি টকা। ১১ কোটি টকা প্ৰদান কৰা হৈছে শিমৰাণ হেটমায়ৰক।
দুয়োজন আনকেপড ভাৰতীয়ক পঞ্জাৱ কিংছে ধৰি ৰাখিলে। শশাংক সিঙক ৫.৫ কোটি টকাত ৰাখিলে আৰু প্ৰভসিমৰন সিঙক চাৰি কোটি টকাত ৰাখিলে। ৰিকি পণ্টিং দলটোৰ মুখ্য প্ৰশিক্ষক।
ছানৰাইজাৰ্ছ হায়দৰাবাদে পেট কামিন্স (১৮ কোটি টকা), অভিষেক শৰ্মা (১৪ কোটি টকা), নীতিশকুমাৰ ৰেড্ডী (৬ কোটি টকা), হেনৰিক ক্লাচেন (২৩ কোটি টকা) আৰু ট্ৰেভিছ হেড (১৪ কোটি টকা)ক ধৰি ৰাখিছে। হেনৰিকে সৰ্বাধিক টকা পাইছে। আই পি এলত ধৰি ৰখা খেলুৱৈসকলৰ ভিতৰত ক্লাছেনেই সৰ্বাধিক ধন লাভ কৰিছে।
লক্ষ্ণৌ ছুপাৰ জায়েন্টছে পাঁচজন খেলুৱৈক ধৰি ৰাখিছে। নিকোলাছ পুৰানে সৰ্বাধিক টকা লাভ কৰিছে। তেওঁক ২১ কোটি টকা প্ৰদান কৰা হৈছে। ৰবি বিষ্ণোই আৰু মায়ংক যাদৱে ১১ কোটি টকা লাভ কৰে। মহছিন খান আৰু আয়ুষ বদোনীয়ে চাৰি কোটি টকাকৈ পালে। কে এল ৰাহুলক এৰি দিয়া হ’ল।
আশা কৰা মতে ঋষভ পন্ত দিল্লী কেপিটেলছত নাথাকিল। তেওঁ আই পি এলৰ নিলামত থাকিব। দিল্লী কেপিটেলছে চাৰিজনক ধৰি ৰাখিছে। সৰ্বাধিক ১৬.৫ কোটি টকা লাভ কৰে অক্ষৰ পেটেলে। কুলদীপ যাদৱে ১৩.২৫ কোটি, ত্ৰিষ্টান ষ্টাবছে ১০ কোটি আৰু অভিষেক পড়েলে ৪ কোটি টকা লাভ কৰে। অভিষেক পড়েল অনকেপড খেলুৱৈ।
ৰয়েল চেলেঞ্জাৰ্ছ বেংগালুৰুৱে কোনো বিদেশী খেলুৱৈক ধৰি ৰখা নাই। বিৰাট কোহলীক সৰ্বাধিক ২১ কোটি টকা দিছে। ৰজতে পাতিদাৰক দিলে ১১ কোটি টকা। যশ দয়ালে পালে পাঁচ কোটি টকা। অৰ্থাৎ আৰ চি বিয়ে নিলামত অধিক ধন লৈ আগবাঢ়িব।
আশা কৰা মতে চেন্নাই ছুপাৰ কিংছে পাঁচজন খেলুৱৈক ধৰি ৰাখিছে। ৰুতুৰাজ গাইকোৱাড, মথিছা পাথিৰানা, শিৱম ডুবে, ৰবীন্দ্ৰ জাডেজা আৰু মহেন্দ্ৰ সিং ধোনী। ধোনীক আনকেপড খেলুৱৈ হিচাপে ৰখা হৈছে।
মুম্বাই ইণ্ডিয়ানছৰ অধিনায়ক হাৰ্দিক পাণ্ডিয়াই থাকিব। হাৰ্ডিকক অধিনায়ক হিচাপে ৰখাৰ সিদ্ধান্ত লোৱা হৈছে, ৰোহিত শৰ্মা, যশপ্ৰীত বুমৰাহ বা সূৰ্য্যকুমাৰ যাদৱক নহয়। ভাৰতৰ এদিনীয়া আৰু টেষ্ট দলৰ অধিনায়ক হিচাপে থাকিব ৰোহিত। ভাৰতীয় টি-২০ দলৰ অধিনায়ক হিচাপে থাকিব সূৰ্য্যই।
সম্পূৰ্ণ আচৰিত কৰি দিলে কলকাতা নাইট ৰাইডাৰ্ছে (কে কে আৰ)। তেওঁলোকে ছয়জনক ধৰি ৰাখিলে। অৰ্থাৎ আই পি এলৰ মেগা নিলামত কেকেআৰে কোনো আৰটিএম কাৰ্ড ব্যৱহাৰ কৰিব নোৱাৰিব। কেকেআৰৰ- ৰিংকু সিং (১৩ কোটি টকা), বৰুণ চক্ৰৱৰ্তী (১২ কোটি টকা), সুনীল নাৰিন (১২ কোটি টকা), আন্দ্ৰে ৰাছেল (১২ কোটি টকা), হৰ্ষিত ৰানা (৪ কোটি টকা) ৰমনদীপ সিং (৪ কোটি টকা) লাভ কৰিছে।
বিৰাট কোহলীয়ে লাভ কৰিছে ২১ কোটি টকা। তেওঁক ৰয়েল চেলেঞ্জাৰ্ছ বেংগালুৰুৱে ধৰি ৰাখিছিল। আনহাতে, মহেন্দ্ৰ সিং ধোনীক চাৰি কোটি টকা দিয়া হৈছে।
মুম্বাই ইণ্ডিয়ানছে পাঁচজন লোকক ধৰি ৰাখিছে। যশপ্ৰীত বুমৰাহে সৰ্বাধিক টকা পাই আছে। তেওঁক ১৮ কোটি টকা দিয়া হৈছে। তাৰ পিছত আছে – সূৰ্য্যকুমাৰ যাদৱ (১৬.৩৫ কোটি টকা), হাৰ্দিক পাণ্ডিয়া (১৬.৩৫ কোটি টকা), ৰোহিত শৰ্মা (১৬.৩ কোটি টকা) আৰু তিলক ভাৰ্মা (৮ কোটি টকা)।
চেন্নাই ছুপাৰ কিংছলৈ যাব নেকি ঋষভ পন্ত? এই সন্দৰ্ভত জল্পনা-কল্পনাৰ সৃষ্টি হৈছে। যদিও কিছুমানে ভাবে, সেই সম্ভাৱনা যথেষ্ট কম। কাৰণ চেন্নাইয়ে পাঁচজনক ধৰি ৰাখিছে। তাৰ বাবে খৰচ হৈছে ৬৫ কোটি টকা। হাতত আছে ৫৫ কোটি টকা। সেই পৰিস্থিতিত সংশ্লিষ্ট মহল বিমোৰত পৰিছে যে পণ্টক নিবলৈ যি ধন খৰচ হ’ব সেই ধন চেন্নাইয়ে খৰচ কৰিবনে?
