গহপুৰৰ লোহিতমুখত উদ্ধাৰ কাঠ চাপৰিৰ গঁড় হত্যাত ব্যৱহৃত ৰাইফল

কালি নিশা কাজিৰঙা নৰ্ডাণ ৰেঞ্জৰ এক অভিযানকাৰী দলে গহপুৰৰ লোহিতমুখৰ পৰা যোৱা ২৮ ফেব্ৰুৱাৰিত কাজিৰঙা ৰাষ্ট্ৰীয় উদ্যানৰ পৰা ওলাই যোৱা এজনী মাইকী গঁড়ৰ হত্যাত ব্যৱহৃত এটা হস্তনিৰ্মিত ৰাইফল উদ্ধাৰ কৰে।

উল্লেখযোগ্য যে ২৮ ফ্ৰেব্ৰুৱাৰিত কাজিৰঙা ৰাষ্ট্ৰীয় উদ্যানৰ পৰা ওলাই যোৱা গঁড়জনীৰ মৃতদেহ যোৱা ৪ মাৰ্চত দেৰগাঁৱৰ কাঠ চাপৰিত উদ্ধাৰ হৈছিল।

এই সংক্ৰান্তত যোৱা ২ এপ্ৰিলত বন বিভাগ আৰু আৰক্ষীৰ এক অভিযানকাৰী দলে লক্ষ্য পেগু নামৰ এজন দুৰ্ধৰ্ষ চোৰাংচিকাৰীক গ্ৰেপ্তাৰ কৰিছিল।

ধৃত লক্ষ্য পেগুৰ স্বীকাৰোক্তিৰ ভিত্তিতে কালি কাজিৰঙাৰ নৰ্ডান ৰেঞ্জে গহপুৰৰ লোহিতমুখৰ পৰা উক্ত লুকুৱাই থোৱা থ্ৰী নট থ্ৰী ৰাইফলটো জব্দ কৰিবলৈ সক্ষম হয়।

মন কৰিব লগীয়া যে কেইজনমান সহযোগীৰ সৈতে মিলি লক্ষ্য পেগুৱে গঁড়জনী হত্যা কৰি খড়গটো কাটি নিছিল।