অহা ৪ জানুৱাৰিৰ পৰা আৰম্ভ হ’ব জীৱন চিলা আৰু নদী মহোৎসৱ

অহা ৪ জানুৱাৰিৰ পৰা গুৱাহাটী মহানগৰীত আয়োজন কৰা হৈছে সপ্তম ‘জীৱন চিলা আৰু নদী মহোৎসৱ’ৰ।পাঁচ দিনীয়া কাৰ্যসুচীৰে  অনুষ্ঠিত হ’ব লগীয়া মহোৎসৱটোৰ বাবে স্থানীয় ভাবে নিৰ্মাণ কৰাৰ লগতে বিভিন্ন আন্তঃৰাষ্ট্ৰীয় চিলা মহোৎসৱৰ পৰা ভিন্ন ধৰনৰ চিলা সংগ্ৰহ কৰা হৈছে। উত্তৰ- পূবৰ ভিতৰতে আটাইতকৈ বৃহৎ চিলা মহোৎসৱটো এইবাৰ ভৰলুমুখত আয়োজন কৰা হ’ব আৰু ইয়াৰ বাবে ইতিমধ্যে সকলো প্ৰস্তুতি সম্পুৰ্ণ কৰি তোলা হৈছে। মহোৎসৱটোক কেন্দ্ৰ কৰি এইবাৰ বিভিন্ন ধৰনৰ প্ৰতিযোগিতা, সাংস্কৃতিক অনুষ্ঠান, আলোচনা সভা, চলচ্চিত্ৰ প্ৰদৰ্শনী, খাদ্য মেলা আদিৰ আয়োজন কৰা হৈছে বুলি উদ্যোক্তা সকলে জানিবলৈ দিছে। উল্লেখযোগ্য যে  উদ্যোক্তা সকলে এইবাৰ আৱৰ্জনা পেলাই অহা স্থান এটুকুৰাক অনুষ্ঠানটোৰ বাবে চাফ- চিকুন কৰি সুন্দৰকৈ সজাই তুলিছে।