অহা ৪ ফেব্ৰুৱাৰিৰ পৰা গুৱাহাটীত অনুষ্ঠিত হ’ব চিপিআই(এম)ৰ ৰাজ্যিক সন্মিলন

ভাৰতৰ কমিউনিষ্ট পাৰ্টি মাৰ্ক্সবাদী(চিপিআইএম)ৰ ২২ তম অসম ৰাজ্যিক সন্মিলনখন অহা ৪-৬ ফেব্ৰুৱাৰি তাৰিখে গুৱাহাটীৰ পাঞ্জাবাৰীত থকা শিল্পগ্ৰামত অনুষ্ঠিত হব।

সন্মিলন উপলক্ষে অহা ২৫-২৬ জানুৱাৰি তাৰিখে টেনিছ বল ক্রিকেট প্ৰতিযোগিতা (২২ বছৰৰ অনুৰ্ধ) ৰাতিপুৱা ১০ বজাৰ পৰা অনুষ্ঠিত হব। অহা ২৭ জানুৱাৰি তাৰিখে  বিয়লি ৪বজাৰ পৰা দীঘলীপুখুৰীৰ সমুখত থকা লক্ষীৰাম বৰুৱা সদনত “আজিৰ ভাৰত আৰু সাম্পদায়িকতাৰ বিপদ” শীৰ্ষক এখন আলোচনা চক্ৰ অনুষ্ঠিত হব,য’ত আলোচক হিচাপে থাকিব চিপিআইএমৰ কেন্দ্ৰীয় নেত্ৰী বৃন্দা কাৰাট।

অহা ২৮ ফেব্ৰুৱাৰি তাৰিখে বিয়লি ৪ বজাৰ পৰা সন্মিলন উপলক্ষে দীঘলীপুখুৰীৰ কাষত থকা সত্যনাথ বৰা হলত বোলছবি প্ৰদৰ্শন কৰা হব।

অহা ৩১ তাৰিখে ৰাতিপুৱা ১১ বজাৰ পৰা মাছখোৱাৰ প্ৰাগজ্যোতি সাংস্কৃতিক প্ৰকল্পত “সাম্প্ৰদায়িকতাৰ বিৰুদ্ধে শিল্পী সমাজ” শীৰ্ষক এক অনুষ্ঠান আয়োজন কৰা হৈছে।

তদুপৰি অহা ৪ ফেব্ৰুৱাৰি তাৰিখে সোণাৰাম স্কুল খেলপথাৰত দিনৰ ১১ বজাৰ পৰা সন্মিলনৰ মুকলি সভা অনুষ্ঠিত হব, য’ত ভাষণ ৰাখিব ত্ৰিপুৰাৰ মুখ্যমন্ত্ৰী  মাণিক সৰকাৰ আৰু পাৰ্টিৰ কেন্দ্ৰীয় কমিটিৰ সদস্য বিমান বসুৱে।

ইয়াৰ উপৰি অহা ৫ ফেব্ৰুৱাৰি তাৰিখে সন্ধিয়া ৫ বজাৰ পৰা শিল্পগ্ৰামত সাংস্কৃতিক সন্ধিয়া অনুষ্ঠিত হ’ব। সাংস্কৃতিক অনুষ্ঠানত কেইবাজনো শিল্পীয়ে গীত-নৃত্য প্ৰদৰ্শন কৰিব।