আজি বৰপেটাতো পালন কৰা হৈছে ইছলাম ধৰ্মাৱলম্বীৰ পৱিত্ৰ উৎসৱ ঈদ

দেশৰ ভিন্ন প্ৰান্তৰ লগতে ৰাজ্যখনৰ বৰপেটাতো অতি উছাহেৰে ইছলাম ধৰ্মাৱলম্বী লোকসকলে পালন কৰে ঈদ উল ফিতৰ৷

পৱিত্ৰ ৰমজান মাহত দিনজোৰা উপবাসে থাকি আজি ঈদ উল ফিতৰৰ সমূহীয়া নামাজ আদায় কৰে ইছলাম ধৰ্মৱালম্বী লোকসকলে৷

বৰপেটা চহৰৰ মুছলিমপট্টিস্থিত ঈদগাহ ময়দানত পুৱা ৮-৩০বজাৰ পৰা অনুষ্ঠিত সমুহীয়া নামাজত ইমামতি কৰে উত্তৰ বৰপেটা জামে মছজিদৰ ইমাম ৰিজৱানুল হকে৷ কণ কণ ল’ৰাৰ পুৰা ডেকা বৃদ্ধই এই নামাজত অংশগ্ৰহণ কৰি ঐক্য-শান্তি-সমন্বয় আৰু ভাতৃত্ববোধৰ বান্ধোন অধিক সুদৃঢ় কৰাৰ বাবে নেদেখাজনৰ ওচৰত প্ৰাৰ্থনা জনায়৷

ঈদৰ দিনটো হৈছে ধনী দুখীয়া নিৰ্বিশেষে একেখন ঈদগাহত ভাতৃত্ববোধৰ আদৰ্শেৰে মিলিত হৈ পৰম শক্তি আল্লাহৰ ওচৰত আত্ম সমৰ্পণ কৰা দিন। বিশ্বৰ সকলো ইছলাম ধৰ্মাৱলম্বী লোকসকলক একেটা ছাতিৰ তলত একত্ৰিত কৰা ঈদৰ দিনা শান্তিৰ দূত হজৰত মহম্মদৰ আদৰ্শেৰে আগবাঢ়ি যোৱাৰ বাবে প্ৰেৰণা প্ৰদান কৰে।