উত্তৰ কাছাৰ পাৰ্বত্য পৰিষদৰ ২০১৮-১৯ চনৰ বাজেট অধিৱেশন : পাছ হ’ল দুখন বিধেয়ক
উত্তৰ কাছাৰ পাৰ্বত্য পৰিষদে সোমবাৰে বাজেট অধিৱেশনত দুখন বিধেয়ক গ্ৰহণ কৰে।
মাধ্যমিক পৰ্য্যায়লৈকে প্ৰাদেশিকীকৰণ আৰু ডিমা হাচাও জিলাৰ শিক্ষা সেৱাসমূহৰ নিয়মীয়াকৰণৰ এখন আৰু উত্তৰ কাছাৰ পাৰ্বত্য পৰিষদ, ৪৭ সংখ্যক সংশোধনী এখন বিধেয়ক পাৰণ কৰা হয়।
২০১৮ চনৰ ৯ ফেব্ৰুৱাৰিত জাৰি কৰা উপ-নিয়ম ৩ৰ অধীনত ৰাজ্যপালৰ নিৰ্দেশৰ পিছত অসম স্বায়ত্তশাসিত জিলা নিয়ম, ১৯৫১ৰ উপ-নিয়ম ১৯৭৩ৰ আইন ১ৰ অনুসূচী ২ৰ সংশোধন কৰা হয়। সমষ্টিৰ নাম, পৰিসীমা আৰু প্ৰতি সমষ্টিত আসনৰ সংখ্যা সন্দৰ্ভত এই সংবিধান সংশোধন কৰা হৈছে।
পৰিষদৰ আৰ্থিক কাম-কাজৰ দায়িত্বতো থকা পৰিষদৰ মুখ্য কাৰ্য্যবাহী সদস্য দেবলাল গাৰ্ল’চাই এই বাজেট ভাষণ প্ৰদান কৰে। গাৰ্ল’চাই ২০১৮-১৯ বিত্তীয় বৰ্ষত পৰিষদৰ খৰচ আৰু আনুমানিক বাৰ্ষিক বাজেট বিষদ ৰূপত দাঙি ধৰে।
গাৰ্লোছাই এম অ’ এছৰ অধীনত চলি থকা কামৰ এটা খতিয়ান দাঙি ধৰে। ল’ৱাৰ কপিলি হাইড্ৰ’ ইলেক্ট্ৰিচিটি প্ৰজেক্ট সম্পৰ্কত কয় যে অসম পাৱাৰ জেনেৰেইশ্যন কৰ্প’ৰেইশ্যনৰ সৈতে এই বিষয়ত বুজাবুজিৰ চুক্তি কৰা হৈছে, য’ত উৎপাদন আৰম্ভ হোৱাৰ পিছত পৰিষদক ৫ পি চি বিদ্যুৎ বিনামূলীয়াকৈ দিব। লগতে প্ৰকল্পটোত ৮০ শতাংশ নিয়োগ ডিমা হাচাও জিলাৰ পৰা হ’ব।
তাৰোপৰি অসমৰ বাজেট অধিৱেশনত বিত্ত মন্ত্ৰীয়ে ডিমা হাচাওত বি এড কলেজ আৰু উদ্যানশস্যৰ মহাবিদ্যালয় স্থাপনৰ ঘোষণা সন্দৰ্ভত কয় যে এইবোৰৰ উপৰি বাজেটত জিলাখনৰ বাবে আগন্তুক বিত্তীয় বৰ্ষত ধন বৃদ্ধি কৰা হৈছে। এই পৰিমাণ ২০ কোটি টকাৰ পৰা ৫০ কোটি টকা কৰা হৈছে।
ওমৰাংছুচ ১ হাজাৰ বিঘা মাটি এ চি এছ প্ৰশিক্ষণ কেন্দ্ৰৰ বাবে অনুমোদন জনোৱা হৈছে। ইয়াৰ লগতে নীপকোৱে অধিকাৰ কৰি থকা অতিৰিক্ত মাটিৰ হিচাপ চলি আছে, যিটো পুংখানুপুংখকৈ বিচাৰ কৰি চোৱা হ’ব আৰু সেই মতে ব্যৱস্থা লোৱা হ’ব।
হাফলঙত উদ্বোধন কৰা কৃষি বিজ্ঞান কেন্দ্ৰই অঞ্চলটোৰ কৃষি উৎপাদন বৃদ্ধি কৰিব বুলি দাবী কৰে। ১৫ কোটি টকাৰ আন এটা পানীযোগান আঁচনি, আৰু এন এল দাওলাগাপু মিনি ষ্টেডিয়াম ১৬ কোটি টকাৰ ব্যয় কৰি নিৰ্মাণ কৰিবলৈ লোৱা হৈছে।
গাৰ্লোচাই এইটো জানিবলৈ দিয়ে যে পৰিষদে প্ৰায় ৭০.১৮ কোটি টকা নিজা ৰাজহ আৰু ৰাজ্য চৰকাৰৰ পৰা অনুদানমূলক সাহায্য ৫৩.৪৯ কোটি টকা পৰিষদৰ দৰমহাৰ বাবত আৰু ৩.৪৯ কোটি টকা কামৰ বাবে লাভ কৰাৰ কথা। ইয়াৰ বিপৰীতে মুঠ খচৰ ধাৰ্য্য কৰা হৈছে ১৫২.৫০ কোটি টকা। ফলত অন্তিম ঘাটি প্ৰায় ২৮.৮৪ কোটি টকা।