কলিয়াবৰৰ হাতীয়ে খোৱাত পথ দুৰ্ঘটনাত আহত এজন

কলিয়াবৰৰ হাতীয়ে খোৱা তিনি আলিত যাত্ৰীবাহী আলট্ৰা বাছ আৰু টেম্পোৰ মাজত সংঘটিত হোৱা এক সংঘৰ্ষৰ ফলত এজন লোক আহত হয় । আহত লোক জন টেম্পোখনৰ চালক শিৱ শংকৰ নাথ বুলি জানিব পৰা গৈছে।

ঘটনাৰ বিৱৰণি অনসৰি AS/ AC6226  নম্বৰৰ আলট্ৰা বাছ খনে AS – 12E – 6455 নম্বৰৰ টেম্পো খনৰ লগত হোৱা সংঘৰ্ষত টেম্পোখন পথৰ কাষৰ দ খাৱৈত বাগৰি পৰে। ইয়াৰ ফলত টেম্পো খনৰ চালক শিৱ শংকৰ নাথ গুৰুতৰ ভাৱে আহত হয়।

আহত নাথক উলুৱনী আৰক্ষীয়ে উদ্ধাৰ কৰি চিকিৎসাৰ বাবে প্ৰেৰণ কৰে ।

দুৰ্ঘটনাটোৰ ফলত টেম্পোখন প্ৰায় চুচুৰ্মৈ হৈ পৰে। আনহাতে, দুৰ্ঘটনাটোত আলট্ৰা বাছখনৰ বিশেষ ক্ষতি হোৱা নাই।

শেহতীয়াভাৱে সংঘটিত পথ দুৰ্ঘটনাসমূহ চালকৰ দোষতে হোৱাৰ অভিযোগ কৰিছে সচেতন ৰাইজে। বেছিভাগ চালকৰে উপযুক্ত প্ৰশিক্ষণ তথা প্ৰমাণ পত্ৰ নোহোৱাৰো অভিযোগ দীৰ্ঘদিনীয়া।

ৰাইজে দুৰ্ঘটনা ৰোধ কৰাৰ ক্ষেত্ৰতে প্ৰশাসনে যান-বাহন নিয়ন্ত্ৰণৰ আইনসমূহ কঠোৰভাৱে বলৱৎ কৰা উচিত বুলিও মন্তৱ্য কৰে।