কাৰ্বি আংলঙৰ ডকমকাত মৃত্যু হোৱা দুই যুৱকৰ আত্মাৰ শান্তিৰ কামনাৰে বৰপেটাত মমবাতি প্ৰজ্জ্বলন

কাৰ্বি আংলং জিলাৰ ডকমকাত দুস্কৃতিকাৰীৰ বৰ্বৰ আক্ৰমনৰ বলি হৈ মৃত্যুক আকোৱালি লোৱা দুই যুৱক নীলোৎপল দাস আৰু অভিজিৎ নাথৰ হত্যাৰ প্ৰতিবাদত তথা দুস্কৃতিকাৰীক দৃষ্টান্তমূলক শাস্তি প্ৰদানৰ দাবীত আৰু মৃতকৰ আত্মাৰ সদগতি কামনাৰে আজি বৰপেটা চহৰত মমবাতি প্ৰজ্জ্বলন কৰা হয়৷

বৰপেটা ফেচবুক ফৰামৰ উদ্যোগত বৰপেটা পাঁচ আলি চকত সন্ধিয়া ৭ বজাত অনুষ্ঠিত মমবাতি প্ৰজ্বলন কাৰ্যসূচীত চহৰখনৰ ভালেসংখ্যক লোকে অংশগ্ৰহন কৰি যুৱক দুগৰাকীৰ আত্মাৰ সদগতি কামনা কৰে।

ইফালে নাৰকীয় ঘটনাৰ সৈতে জড়িত দুস্কৃতিকাৰীসকলক ক্ষীপ্ৰ আইনী প্ৰক্ৰিয়াৰে দৃষ্টান্তমুলক শাস্তি প্ৰদান কৰিবলৈ প্ৰতিবাদকাৰীসকলে চৰকাৰক দাবী জনায়৷

এই প্ৰতিবাদী অনুষ্ঠানত বৰপেটা প্ৰেছ ক্লাৱৰ সভাপতি প্ৰিয়ৰঞ্জন দাসৰ লগতে বিভিন্ন অনুষ্ঠান-প্ৰতিষ্ঠানৰ বিষয়ববীয়া উপস্থিত থাকে।