হোৱাটছএপ যোগে প্ৰধান মন্ত্ৰীক অশ্লীল ভাষাত গালি পৰা অপৰাধীক জেইললৈ প্রেৰণ

ছ’চিয়েল মিডিয়া যোগে অপপ্ৰচাৰ কৰাৰ অপৰাধত বিভিন্ন জনে জেলৰ ভাত খাবলগীয়া হোৱাৰ সময়তে নগাঁও জিলাৰ চামগুৰি আৰক্ষী থানাৰ অন্তৰ্গত সোণাৰিবালিৰ এজন যুৱকে হোৱাটছএপ যোগে ভাৰতৰ প্ৰধান মন্ত্ৰী নৰেন্দ্ৰ মোডীক অশ্লীল ভাষাৰে গালি পৰাক কেন্দ্ৰ কৰি জিলাখনতে তীব্ৰ প্ৰতিক্ৰিয়া সৃষ্টি কৰিছে।

দেওবাৰে চামগুৰি আৰক্ষীয়ে অভিযান চলাই  চাইবাৰ অপৰাধী সোণাৰিবালিৰ ৰমজান আলীৰ পুত্ৰ জুবেদ আলীক (২০) সোণাৰিবালিৰ বাসগৃহৰ পৰা কৰায়ত্ত  কৰে। ইতিমধ্যে বিজেপিৰ কৰ্মী বিক্ৰম বণিকে দিয়া এজাহাৰৰ ভিত্তিত ভাৰতীয় দণ্ড বিধি আইনৰ ২৯৪/৫০০/৫০৪, আৰ ডব্লিউ ধাৰা ৬৭ আই টি এক্টৰ অধীনৰ ৪৫৭/১৮ নং গোচৰ মৰ্মে আৰক্ষীয়ে জুবেদ আলীক জেল হোজতলৈ প্ৰেৰণ কৰে বুলি আৰক্ষীৰ সুত্ৰই প্ৰকাশ কৰিছে।

শেহতীয়াভাৱে ছ’চিয়েল মিডিয়াত একাংশ লোকে উচটনিমূলক মন্তব্য দিয়া, বিভেদকামী তথা অসামাজিক বক্তব্য দাঙি ধৰাৰ লগতে পৰিকল্পিত অপপ্ৰচাৰত লিপ্ত হোৱাৰ অভিযোগ উত্থাপিত হৈ আহিছে। এনে সমাজ বিৰোধী লোকৰ বিৰুদ্ধে আৰক্ষীয়ে চোকা নজৰ ৰখাৰ লগতে ৰাজ্যখনৰ বহুকেইজন লোকক গ্ৰেপ্তাৰো কৰিছে।