পৰিয়ালসহ ব্ৰিটিছ সেনাধিনায়ক নিকোলাচ পেট্ৰিক কাৰ্টাৰৰ কাজিৰঙা ভ্ৰমণ
আজি পুৱাই অসম গৌৰৱ কাজিৰঙা ৰাষ্ট্ৰীয় অভয়াৰণ্যই পালে এজন বিশেষ অতিথি। ৰাষ্ট্ৰীয় অভয়াৰণ্যখনৰ বিশ্বখ্যাতিক অধিক উজলাই তুলি আজি পুৱাই ভ্ৰমণ কৰিলে ব্ৰিটিছ সেনাধিনায়ক চীফ অব দা ষ্টাফ চাৰ নিকোলাচ পেট্ৰিক কাৰ্টাৰে।
তেওঁৰ লগত আছে তেওঁৰ পত্নী লুই এনী (Louise Anne Ewart) আৰু পুত্ৰ-কন্যা। ব্যক্তিগত ভ্ৰমণ সূচী লৈ আজি পৰিয়ালৰ সদস্যসহ কাজিৰঙাত উপস্থিত হৈছেহি বিশ্বৰ ভিতৰতে অন্যতম শক্তিশালী তথা বিশ্বৰ সামৰিক ইতিহাসত নিজৰ শৌৰ্য্য-বীৰ্য্যৰে জিলিকি থকা ব্ৰিটিছ সেনা বাহিনীটোৰ অধিনায়কজন। আজি বিশ্বখ্যাত কাজিৰঙায়ো স্বাভাৱিকতে গৌৰৱিত হোৱাৰ সুযোগ পালে এই বিশ্বখ্যাত সেনা বাহিনীৰ প্ৰধানজনৰ ভ্ৰমণত।
জানিব পৰামতে আজি সেনাধিনায়কজনৰ পৰিয়ালটোৱে হাতীৰ পিঠিত উঠি কাজিৰঙাৰ বাগৰি বনাঞ্চল ভ্ৰমণ কৰে৷
তেজপুৰস্থিত ভাৰতীয় সেনাৰ আতিথ্য গ্ৰহণ কৰি আজি পুৱাই তেওঁ সপৰিয়ালে হাতীৰে কাজিৰঙা দৰ্শন কৰে৷ ৰাষ্ট্ৰীয় উদ্যানখন ভ্ৰমণ কৰি সুখী আৰু ৰোমাঞ্চিত হৈ পৰা বুলি জানিব পৰা গৈছে৷
উল্লেখযোগ্য যে ব্ৰিটিছ সেনাপ্ৰধানজনক ভাৰতীয় সেনা বিষয়া আৰু ব্ৰিটিছ হাই কমিশ্যনাৰৰ বিষয়াই সংগ দিয়ে বুলি জানিব পৰা গৈছে।
You may also like
কংগ্ৰেছৰ মিথ্যাচাৰ : গঁড় চিকাৰত অভিযুক্ত কংগ্ৰেছী প্ৰাৰ্থী জিকিল পঞ্চায়তত
পঞ্চায়ত নিৰ্বাচনৰ মনোনয়ন দাখিল সময়তে বিশ্বনাথৰ ছোৱাগুৰি গাঁও পঞ্চায়তৰ সভাপতি পদৰ কংগ্ৰেছ প্ৰাৰ্থী দিলোৱাৰ হুছেইনৰ বিৰুদ্ধে গঁড় হত্যাৰ গুৰুতৰ অভিযোগ উত্থাপন হৈছিল।…
তিনিচুকীয়াত আৰ এছ এছৰ সভালৈ অহা বিজেপিৰ জিলা সভাপতিক প্ৰতিবাদকাৰীৰ আক্ৰমণ
নগাৰিকত্ব বিধেয়ক বাতিলৰ দাবীত বিভিন্ন দল-সংগঠনে প্ৰতিবাদ সাব্যস্ত কৰি থকাৰ সময়তে আজি তিনিচুকীয়া জিলত আৰ এছ এছে অায়োজন কৰা এখন সভাক লৈ…
অসমৰ পৰ্যটনৰ প্ৰচাৰৰ বাবে পাঠশালাৰ দম্পত্তিৰ ১৩খন ৰাজ্যৰ মাজেৰে বাইক যাত্ৰা
বৰপেটা জিলাৰ পাঠশালাৰ দম্পত্তিয়ে বাইকেৰে ১৩খন ৰাজ্য ভ্ৰমণ কৰি অসমৰ পৰ্যটনক্ষেত্ৰৰ প্ৰচাৰ চলায়। ৰাকেশ চৌধুৰী আৰু নিটুমনি তালুকদাৰে বিহাৰ, উত্তৰ প্ৰদেশ, মধ্য…
যন্ত্ৰচালিত গণতন্ত্ৰ
যন্ত্ৰৰ শাসন ফেচিবাদৰ আন এক আধুনিক ৰূপ৷ দমনৰ হাতিয়াৰ হিচাপে আজি কালি বুলড’জাৰক ব্যৱহাৰ কৰিবলৈ লোৱা হৈছে৷ বুলড’জাৰ ভাৰতীয় জনতা পাৰ্টীৰ নতুন…