বিভিন্ন প্ৰতিযোগিতাৰ মাজেৰে কাৰ্বি যুৱ মহোৎসৱৰ আজি তৃতীয় দিন
৪৪ সংখ্যক কাৰ্বি যুৱ মহোৎসৱৰ আজি তৃতীয় দিনা বিভিন্ন প্ৰতিযোগিতা অনুষ্ঠিত কৰা হয়। প্ৰতিযোগিতা সমূহ পুৱা ১০:৩০ পৰা আৰম্ভ হয়।
হাম্বি কেপাথু আকলামত পৰম্পৰাগত কাৰ্বি খেল হাম্বি কেপাথু (ঘিলা খেল) অনুষ্ঠিত হয়। কাৰ্বি আংলং স্বায়ত্তশাসিত পৰিষদৰ কাৰ্যবাহী বিষয়া জগতসিং ইংতিয়ে প্ৰতিযোগিতাখন উদ্বোধন কৰে।
প্ৰতিযোগিতাখনত বিভিন্ন মণ্ডলৰ ১৮টা দলে অংশগ্ৰহণ কৰে।
হেম্ফু মুক্ৰাং আচেটাইত পুৰুষৰ কেংদোংদাং পেন কেকাট (পেং লাখুটি) খেল অনুষ্ঠিত হোৱাৰ পিছতে মহিলাৰ বাংফি ছকটক চিংদি (৪ জনী ছোৱালীয়ে একেলগে ধান আচাৰা) খেল অনুষ্ঠিত হয়।
আনহাতে ছিংমিৰজেং মুকলি প্ৰক্ষাগৃহত ৰিতনং চিংদি (কৃষি নৃত্য) অনুষ্ঠিত হোৱাৰ লগতে আন ক্ষেত্ৰ সমূহটো বিভিন্ন ধৰণৰ প্ৰতিযেগিতা অনুষ্ঠিত হয়।
উল্লেখ্য যে দিনৰ ভাগত দৰ্শকৰ সমাগম সেৰেঙা আছিল যদিও ৫ বাজি যোৱাৰ পিছত দৰ্শকৰ যথেষ্ট ভিৰ দেখিবলৈ পোৱা যায়। ডি আই জি বাংলোৰ পৰা টাৰালাংছো লৈকে অসম্পুৰ্ণ টু লেইন পথছোৱা অনুষ্ঠান উপভোগ কৰিবলৈ অহা লোকৰ গাড়ীৰে ভৰি পৰে।