বিশ্বনাথত বিনামূলীয়া যোগ শিবিৰৰ সফল সামৰণি

বিশ্বনাথ জিলা শৰীৰ চৰ্চা সন্থাৰ সৌজন্যত সভাপতি দিলীপ বৰা দেৱ আৰু সম্পাদক নিত্য শৰ্মা দেৱৰ তত্বাৱধানত বিশ্বনাথৰ মাজুলীগড় চাহ বাগিচাৰ বৰপুখুৰী খণ্ডৰ শ্ৰমিক আৰু শিশুসকলৰ বাবে চাৰি দিনিয়া বিনামূলীয়া যোগ শিবিৰৰ আজি সামৰণি হয়।

সন্থাৰ জ্যেষ্ঠ সদস্য, প্ৰশিক্ষক, ৰাজ্যিক বিচাৰক বিপ্লৱ ভট্টাচাৰ্য্যই প্ৰশিক্ষণ প্ৰদান কৰা এই শিবিৰত শিশু, যুৱক-যুৱতী, বয়োজ্যেষ্ঠকে ধৰি শতাধিক লোকে যোগ অভ্যাস আৰু অনুশীলন কৰে।

আজি সামৰণি আনুষ্ঠানত সন্থাৰ সদস্যা তথা আন্তঃৰাষ্ট্ৰীয় খেলুৱৈ গাৰ্গলিনা আশ্ৰায়নে তেখেতৰ যোগ প্ৰদৰ্শন কৰি সকলোকে আপ্লুত কৰে। চাহ শ্ৰমিক সকলৰ শাৰীৰিক আৰু মানসিক উন্নতিৰ বাবেই এই পদক্ষেপ গ্ৰহণ কৰা হয়।