৩০ জুনত নোলায় এন আৰ চিৰ চূড়ান্ত খচৰা, ঘোষণা প্ৰতীক হাজেলাৰ

অসমৰ ৰাইজে গভীৰ প্ৰত্যাশাৰে বাট চাই থকা এন আৰ চিৰ পূৰ্ণাংগ খচৰা কেতিয়া প্ৰকাশ পাই তাৰ কোনো নিশ্চয়তা নাই। কেৱল পূৰ্বে নিৰ্ধাৰিত ৩০ জুনত এই খচৰা প্ৰকাশ নোপোৱাতো নিশ্চিত।

‘চূড়ান্ত খচৰা প্ৰকাশৰ সঠিক তাৰিখটো ক’ব নোৱাৰিম, কাৰণ অহা ২জুলাইত গোটেই খতিয়ান উচ্চতম ন্যায়ালয়ত দাখিল কৰিম। তাৰ পিছত উচ্চতম ন্যায়ালয়ে যিটো দিন দিব উক্ত দিনটোতে চূড়ান্ত খচৰা প্ৰকাশ কৰা হ’ব,‘ আজি ২৮ জুনত নৰ্থ ইষ্ট নাও-ক জনাই ৰাজ্যিক সমন্বয়ক প্ৰতীক হাজেলাই।

ৰাজ্যৰ বান পৰিস্থিতিৰ বাবেই এন আৰ চি প্ৰকাশত অধিক সময় বিচাৰি ইতিমধ্যে উচ্চতম ন্যায়ালয়ত হাজেলাই দাখিল কৰা আবেদনৰ অহা ২ জুলাইত শুনানি হ’ব।

‘যদিও ৩০ জুনত প্ৰকাশ কৰাৰ কথা আছিল, কিন্তু বান পৰিস্থিতিৰ বাবেই দিনটো পিছুৱাবলগীয়া হ’ল’ বুলি জনাই প্ৰতীক হাজেলাই।

অৱশ্যে ৩০ জুনত প্ৰকাশ নাপালেও ‘খচৰা প্ৰস্তুতৰ কাম ইতিমধ্যে বহুখিনি আগুৱাই গৈছে’ বুলি হাজেলাই জানিবলৈ দিয়ে।