আজৱ! ভূমিকম্পত অচল হৈ পৰা এটা এশ বছৰীয়া ঘড়ী, পুনৰ চলিল আন এটা ভূমিকম্পত, ক’ত?
এটা এশ বছৰীয়া ঘড়ী।
কালিকা লগা বুলিলেও ভুল নহ’ব।
এটা বৃহৎ ভূমিকম্পত ঘড়ীটোৰ কাঁটাকেইডালৰ চলাচল বন্ধ হৈ পৰিছিল।
দহ বছৰৰ পাছত পুনৰ এটা ভূমিকম্প সংঘটিত হয়।
দৈৱিক ঘটনাৰ দৰেই পুনৰ ঘড়ীটোৰ কাঁটাকেইডাল চলি উঠে।
জাপানত সংঘটিত হৈছে এই অবিশ্বাস্য ঘটনাটো।
দেশখনৰ য়ামাম’টো নামৰ ঠাইখনৰ ফুমন্জী নামৰ এটা বৌদ্ধ মন্দিৰত স্থাপিত ‘ছেইক’ নামৰ কোম্পানীটোৰ ঘড়ীটোৱে ১০০ বছৰ ধৰি সময় নিৰ্ণয় কৰি আছিল।
২০১১ চনত হোৱা এটা ভয়ংকৰ ভূমিকম্পত ঘড়ীটো বন্ধ হৈ যায়।
উল্লেখযোগ্য যে সেই বৰ্ষৰ মাৰ্চত জাপানৰ উত্তৰ পূৰ্বাঞ্চলৰ উপকূলত সংঘটিত হোৱা ভূমিকম্প-ছুনামীয়ে ১৮ হেজাৰৰো অধিক লোকৰ প্ৰাণ হৰি নিছিল।
ভূমিকম্প-ছুনামীৰ ফলত অঞ্চলটো পানীত ডুবি যায়, যাৰ ফলত ঘড়ীটোও বন্ধ হৈ যায়।
মন্দিৰটোৰ বুনছুন ছাকান’ (Bunsun Sakano) নামৰ ৫৮ বছৰীয়া পূজাৰী তথা ঘড়ীটোৰ গৰাকীজনে ঘড়ীটো মেৰামতি কৰিবলৈ চেষ্টা কৰিছিল, কিন্তু কোনো সফলতা লাভ নকৰিলে।
দহ বছৰৰ পাছত ২০২১ চনৰ ১৩ ফেব্ৰুৱাৰী মাহত পুনৰ উক্ত অঞ্চলটোত এটা ভূমিকম্প হয়।
ভূমিকম্পৰ পাছদিনা পুৱা বুনছুন ছাকান’ই দেখা পায় যে ঘড়ীটোৰ কাটাকেইডাল নিজে নিজে চলিব ধৰিছে- টিক টিক টিক….!
যেন দৈৱিক ঘটনাহে!
ঘড়ীটো পুনৰ চলি উঠাত মন্দিৰটোৰ পূজাৰী বুনছুন ছাকান’ই উৎসাহিত হৈ পৰিছে আৰু ইয়াক মংগলসূচক হিচাপে অভিহিত কৰিছে।
You may also like
প্ৰথম দলবীৰ সিং লোহাৰ বঁটা মুখ্য মন্ত্রী সর্বানন্দ সোণোৱাললৈ
সদৌ অসম গোৰ্খা ছাত্ৰ সন্থাই দলবীৰ সিং লোহাৰৰ স্মৃতিত প্ৰৱৰ্তন কৰা দলবীৰ সিং লোহাৰ বঁটাৰ বাবে মুখ্যমন্ত্রী সর্বানন্দ সোণোৱালক নিৰ্বাচিত কৰিছে। সদৌ…
টকিঅ’ অলিম্পিকত খেলাৰ সপোন ভংগ ভাৰতীয় মহিলা ফুটবল দলৰ
ভাৰতৰ মহিলা ফুটবল দলটোৱে অলিম্পিক কোৱালিফায়াৰ্ছৰ দ্বিতীয় ৰাউণ্ডৰ এখন খেলত মঙলবাৰে ম্যানমাৰৰ সৈতে ৩-৩ গ’লত ড্ৰ খেলে। দ্বিতীয় ৰাউণ্ডত ম্যানমাৰৰ বিপক্ষে ড্ৰ…
চলচ্চিত্ৰ নিৰ্মাতাৰ বিৰুদ্ধে দেশদ্ৰোহিতাৰ গোচৰ; প্ৰতিবাদত বিজেপিৰ ত্যাগৰ ধুম উঠিছে লাক্ষাদ্বীপত
চলচ্চিত্ৰ নিৰ্মাতা আয়েছা চুলতানাৰ বিৰুদ্ধে ৰাষ্ট্ৰদ্ৰোহৰ গোচৰ দাখিল প্ৰতিবাদত লাক্ষাদ্বীপত বিজেপিত পদত্যাগৰ ধুম উঠিছে। বিজেপিৰ লাক্ষাদ্বীপ শাখাৰ কেইবাজনো নেতা-কৰ্মীয়ে শনিবাৰে পদত্যাগ কৰিছে।…
“কণ্ঠহীনৰ কণ্ঠ”: নৰৱেৰ লেখক জন ফ’ছেলৈ ২০২৩ বৰ্ষৰ সাহিত্যৰ নোবেল
আজি ঘোষণা কৰা হৈছে চলিত বৰ্ষৰ সাহিত্যৰ নোবেল বিজয়ীৰ নাম। নৰৱেৰ লেখক জন ফ’ছেলৈ ছুইডিছ একাডেমীয়ে আগবঢ়াইছে এই বৰ্ষৰ সাহিত্যৰ নোবেল বঁটা…