ত্ৰিপুৰাত BSF বেটেলিয়নত পুনৰ ১৩ জন ক’ভিড-১৯ আক্ৰান্ত, মুঠ ৪২লৈ বৃদ্ধি

ত্ৰিপুৰাত বি এছ এফৰ ১৩৮নং বেটেলিয়নৰ পুনৰ ১৩ জনক ক’ভিড-১৯ পজিটিভ পোৱা গৈছে।

ইয়াৰে এজন মেছ ৱৰ্কাৰ। ইয়াৰ ফলত ৰাজ্যখনত ক’ভিড-১৯ পজিটিভৰ সংখ্যা ৪২লৈ বৃদ্ধি পালে।

ৰাজ্যখনত বৰ্তমান অসামৰিক ক’ভিড-১৯ আক্ৰান্ত শূন্য হোৱাৰ বিপৰীতে যোৱা তিনিটা দিনত বি এছ এফৰ জোৱান আৰু অন্যান্যসকলৰ মাজত এই ৰোগী চিনাক্ত হৈছে।

ত্ৰিপুৰাৰ মুখ্য মন্ত্ৰী বিপ্লব কুমাৰ দেবে টুইটাৰত এই কথা সদৰী কৰিছে।

Alert!

13 persons from 138th-Bn #BSF Ambassa found #COVID19 POSITIVE today including 1 Mess worker.

Total #COVID19 positive cases in Tripura stands at 42 (2 already discharged, so active cases : 40)

There is no POSITIVE case among civilians.

Don’t Panic!#TripuraCOVID19Count

— Biplab Kumar Deb (@BjpBiplab) May 5, 2020

সোমবাৰে ৰাজ্যখন ১১ বি এছ এফ জোৱান আৰু দুগৰাকী জোৱানৰ পৰিয়ালৰ সদস্য ক’ভিড-১৯ পজিটিভ ৰূপে চিনাক্ত হৈছিল।

ইয়াৰ পূৰ্বে দেওবাৰে ১২ গৰাকী আৰু শনিবাৰে দুগৰাকী বি এছ এফ জোৱান ক’ভিড-১৯ পজিটিভ চিনাক্ত হৈছিল।

জানিব পৰা মতে, শনিবাৰে জিলাখনত দুগৰাকী বি এছ এফ জোৱানক ক’ভিড-১৯ পজিটিভ পোৱাৰ পিছতে স্বাস্থ্য বিভাগে বাকীসকলৰো নমুনা সংগ্ৰহ কৰি পৰীক্ষা কৰিছিল।

ৰাজ্যখনত ইতিমধ্যে দুগৰাকী ক’ভিড-১৯ আক্ৰান্ত চিকিৎসাৰ পিছত সুস্থ হৈ উঠিছে। বৰ্তমান সক্ৰিয় ৰোগীৰ সংখ্যা হৈছে ৪০ গৰাকী।