৩২ মাহত ত্ৰিপুৰাত ১৮ হাজাৰ লোকক চৰকাৰী চাকৰিত নিযুক্তি দিয়া হৈছে : বিপ্লৱ কুমাৰ দেৱ

ত্ৰিপুৰাৰ মুখ্য মন্ত্ৰী বিপ্লৱ কুমাৰ দেৱে বিগত ৩২ মাহত ৰাজ্যখনত ১৭-১৮ লোকক চৰকাৰী চাকৰি প্ৰদান কৰিছে বুলি উল্লেখ কৰে।

মুখ্য মন্ত্ৰী দেৱে এয়া ত্ৰিপুৰাৰ বাবে এক ইতিহাস বুলি অভিহিত কৰি পূৰ্বে কেতিয়াও এনে হোৱা নাছিল বুলি কয়।

মুখ্য মন্ত্ৰী বিপ্লৱ কুমাৰ দেৱে শুকুৰবাৰে ঢালাই জিলাত অনুষ্ঠিত এখন সভাত অংশগ্ৰহণ কৰি এইদৰে কয়।

ইণ্ডো-জাৰ্মান ডেভেলপমেণ্ট কৰ্পোৰেশ্যনৰ এটা প্ৰকল্প উন্মোচনৰ বাবে বিপ্লৱ কুমাৰ দেৱে আজি ঢালাই জিলাত উপস্থিত হয়।

ঢালাই জিলা আৰু উত্তৰ ত্ৰিপুৰাৰ মুঠ ১৯১ খন গাঁৱক এই প্ৰকল্পত সামৰি লোৱা হ’ব।

২০০৯ চনতে এই প্ৰকল্পৰ প্ৰথম পৰ্যায়ৰ কাম আৰম্ভ হৈছিল। মূলত জৈৱ বৈচিত্ৰ সংৰক্ষণৰ ওপৰত এই প্ৰকল্প আধাৰিত।

এই প্ৰকল্পৰ অধীনত ১৩০০০০ লোকক পৰিবেশ ভাৰাসাম্য ৰক্ষা কৰি আগবাঢ়ি যোৱা জীৱন প্ৰণালীৰ বাবে প্ৰশিক্ষণ প্ৰদান কৰা হ’ব লগতে এনে আন্তঃগাঠনি প্ৰস্তুত কৰা হ’ব।