হোটেলত ভয়ংকৰ অগ্নিকাণ্ড : ১৯ নাগৰিকৰ মৃত্যু

থাইলেণ্ডৰ সীমান্তৰ কম্বোডিয়াৰ এখন হোটেল-কেচিনোত অগ্নিকাণ্ড সংঘটিত হৈছে। আন্তঃৰাষ্ট্ৰীয় সংবাদ প্ৰতিষ্ঠানৰ পৰা পোৱা তথ্য অনুসৰি এই মুহূৰ্তলৈকে এই অগ্নিকাণ্ডত ১৯ জন লোকৰ মৃত্যু হৈছে।

বুধবাৰে স্থানীয় সময় অনুসৰি নিশা প্ৰায় ১১:৩০ বজাত সীমান্তৱৰ্তী পইপেট চহৰত সংঘটিত হৈছে এই অগ্নিকাণ্ডৰ ঘটনা।

কম্বোডিয়াৰ আৰক্ষীয়ে জনোৱা মতে, অগ্নিকাণ্ড সংঘটিত হোৱাৰ সময়ত প্ৰায় ৪০০ গৰাকী লোক হোটেলখনৰ ভিতৰত আছিল। তাৰ ভিতৰত আছিল থাইলেণ্ডৰ বহু নাগৰিক।

ছ’চিয়েল মিডিয়াত প্ৰচাৰিত এটা ভিডিঅ’ত অট্টালিকাৰ ওপৰৰ মহলাৰ পৰা মানুহ জপিয়াই থকা দেখা গৈছে। এতিয়ালৈকে এই অগ্নিকাণ্ডৰ কাৰণ জানিব পৰা হোৱা নাই যদিও অগ্নিকাণ্ডৰ কাৰণ জানিবলৈ চেষ্টা চলাই আছে কৰ্তৃপক্ষই।

থাইলেণ্ডৰ বৈদেশিক মন্ত্ৰালয়ৰ এজন বিষয়াই সংবাদ সংস্থা এএফপিক জনোৱা মতে, আহতসকলৰ একাংশক থাইলেণ্ডৰ ছা কায়েউ প্ৰদেশৰ চিকিৎসালয়লৈ প্ৰেৰণ কৰা হৈছে।

পইপেট হৈছে থাইলেণ্ড আৰু কম্বোডিয়াৰ মাজৰ এখন চহৰ। কেচিনোৰ বাবে এই হোটেলখন চহৰখনত জনপ্ৰিয়।

থাইলেণ্ডত জুৱা খেলা নিষিদ্ধ হোৱাৰ বাবে কেচিনো খেলিবলৈ বহু লোক থাইলেণ্ডৰ এই চহৰখনলৈ আহে।