ৰক্তাক্ত জম্মু-কাশ্মীৰ: সন্ত্ৰাসবাদীৰে সংঘৰ্ষত নিহত তিনি সেনা-আৰক্ষী বিষয়া
পুনৰ ৰক্তাক্ত হৈছে জম্মু-কাশ্মীৰ। উপত্যকাটোৰ অনন্তনাগ জিলাত সন্ত্ৰাসবাদীৰ সৈতে হোৱা সংঘৰ্ষত নিহত হৈছে সেনাৰ এজন কৰ্ণেল, সেনাৰ ৰাষ্ট্ৰীয় ৰাইফলছ ইউনিটৰ এজন মেজৰ আৰু জম্মু-কাশ্মীৰ আৰক্ষীৰ এজন উপ-অধীক্ষক নিহত হয়।
শ্বহীদ সেনা-আৰক্ষী বিষয়া তিনিগৰাকীক কৰ্ণেল মনপ্ৰীত সিং, মেজৰ আশীষ ধোঞ্চক আৰু উপ-আৰক্ষী অধীক্ষক হিমানুন মুজামিল ভাট বুলি চিনাক্ত কৰা হৈছে। অনন্তনাগৰ কোকেৰনাগ অঞ্চলৰ ঘন বনাঞ্চলৰ পৰা আৰক্ষী বিষয়া আৰু সেনা বিষয়া দুজনৰ মৃতদেহ উদ্ধাৰ কৰা হয়।
সন্ত্ৰাসবাদীৰ উপস্থিতিৰ চোৰাংচোৱা তথ্য লাভ কৰাৰ পিছতে যোৱা নিশা সন্ধিয়া সেনা আৰু আৰক্ষীয়ে যৌথ অভিযান আৰম্ভ কৰিছিল। অভিযানৰ সময়তে অভিযানকাৰী দলটোৰ ওপৰত সন্ত্ৰাসবাদী দলটোৱে অতৰ্কিতে আক্ৰমণ চলায় বুলি জানিব পৰা গৈছে।
এই আক্ৰমণত গুৰুতৰভাৱে আহত হয় তিনিওজন বিষয়া। ইয়াৰ পিছতে তাৎক্ষণিকভাৱে অতিৰিক্ত বাহিনী অঞ্চলটোলৈ প্ৰেৰণ কৰা হয় যদিও সন্ত্ৰাসবাদীৰ ধাৰাসাৰ গুলীচালনাৰ বাবে বিষয়াগৰাকীক উদ্ধাৰত বিফল হয় সেনা।
কৰ্ণেল মনপ্ৰীত সিং ১৯ ৰাষ্ট্ৰীয় ৰাইফলছ (১৯ আৰ আৰ) ইউনিটৰ কামাণ্ডিং অফিচাৰ আছিল আৰু তেওঁ সন্মানীয় সেনা মেডেল (এছ এম) লাভ কৰিছে।
আনহাতে আনগৰাকী শ্বহীদ হিমায়ুন মুজামিল ভাটৰ পিতৃ গুলাম হাছান ভাটেও জম্মু-কাশ্মীৰৰ এগৰাকী শীৰ্ষ আৰক্ষী বিষয়া হিচাপে কাৰ্যনিৰ্বাহ কৰিছিল। গুলাম হাছান ভাট হৈছে জম্মু-কাশ্মীৰ আৰক্ষীৰ অৱসৰপ্ৰাপ্ত মহাপৰিদৰ্শক।
On behalf of the J&K Police Pariwar DGP J&K Sh Dilbag Singh has condoled the martyrdom of the braveheart officers of J&K Police and Army in an encounter at Gadool,Kokernag,Anantnag.
The DGP has said in his message that he is deeply saddened by the terrible loss of three young… pic.twitter.com/pMJSwYE8wX— J&K Police (@JmuKmrPolice) September 13, 2023
উল্লেখ্য যে, যোৱা ২৪ ঘন্টাত উপত্যকাটোত এয়া দ্বিতীয়টো এনকাউণ্টাৰ। ইয়াৰ পূৰ্বে ৰাজৌৰী জিলাত সন্ত্ৰাসবাদীৰ সৈতে হোৱা ভয়াৱহ সংঘৰ্ষৰ সময়ত এজন সেনা জোৱান নিহত হোৱাৰ লগতে তিনিজন জোৱান আহত হৈছিল। এই এনকাউণ্টাৰত দুজন সন্ত্ৰাসবাদীও নিহত হয়।