বৰপেটাত ভয়াৱহ পথ দুৰ্ঘটনা: দ্ৰুতবেগী বাহনে প্ৰাণ ল’লে তিনিজনৰ, পাঁচজন আহত

বৰপেটা জিলাত সংঘটিত এক ভয়াৱহ পথ দুৰ্ঘটনাত তিনিজন লোক নিহত হোৱাৰ লগতে পাঁচজন লোক আহত হৈছে।

বৰপেটা জিলাৰ সৰ্থেবাৰীত এখন দ্ৰুতবেগী বাহনে চাৰিখন বাইকত খুন্দা মৰাৰ ফলত এই মৰ্মান্তিক ঘটনা সংঘটিত হয়।

এই ভয়াৱহ দুৰ্ঘটনাত তিনিজন লোকৰ থিতাতে মৃত্যু হোৱাৰ লগতে পাঁচজন লোক গুৰুতৰভাৱে আহত হয়।

আহতসকলক লগে লগে বৰপেটা চিকিৎসা মহাবিদ্যালয় চিকিৎসালয়ত ভৰ্তি কৰোৱা হয়।

মৃত ব্যক্তিকেইজনক প্ৰণৱ ভূঞা, চিত্ত ভূঞা আৰু হৰগোবিন্দ ডেকা বুলি চিনাক্ত কৰা হৈছে।

আনহাতে আহত লোককেইজন ক্ৰমে হৰবল্লভ ভূঞা, হৰে কৃষ্ণ ভূঞা, সুৰজিত ডেকা, মনজিৎ ভূঞা আৰু গীতুমণি ভূঞা বুলি জানিব পৰা গৈছে।

দুৰ্ঘটনাটোৰ পিছতে দ্ৰুতবেগী বাহনখনৰ চালকজনৰ লগতে বাহনত থকা আনজন ব্যক্তি ঘটনাস্থলীৰ পৰা পলায়ন কৰে।

আনহাতে ঘটনাৰ পিছতে উত্তেজিত ৰাইজে বাহনখনৰ ক্ষতিগ্ৰস্ত কৰে।