মহাৰাষ্ট্ৰত ধাৰাসাৰ বৰষুণ, ভয়ংকৰ ভূমিস্খলনত মৃত্যু ৩৬ জনৰ

মহাৰাষ্ট্ৰত বিগত ২৪ ঘণ্টাত হোৱা ধাৰাসাৰ বৰষুণৰ ফলত মায়ানগৰী মুম্বাইক ধৰি বহু অঞ্চল প্লাৱিত হৈ পৰিছে।

ৰাজ্য খনৰ ৰাইগড়ৰ তালাই অঞ্চলত আজি হোৱা ভূমিস্খলত কমেও ৩৬ গৰাকী লোকৰ মৃত্যু ঘটিছে।

ভূমিস্খলন হোৱা স্থানৰ পৰা ১০০০ জন লোকক নিৰাপদ স্থানলৈ স্থানান্তৰিত কৰা হৈছে।

মহাৰাষ্ট্ৰৰ মুখ্যমন্ত্ৰী উদ্ধৱ থাকৰেই যুদ্ধকালীন তৎপৰতাৰে উদ্ধাৰ অভিযান চলাই যাবলৈ নিৰ্দেশ দিছে।উদ্ধাৰ অভিযানত হেলিকপ্তাৰ ব্যৱহাৰ কৰা হৈছে।

ধাৰাসাৰ বৰষুণে মুম্বাইতো একপ্ৰকাৰ বিভীষিকাৰ সৃষ্টি কৰিছে ।

বৰষুণৰ ফলত মহানগৰখনৰ উপকণ্ঠ চেম্বুৰ আৰু ভিৰখুলী অঞ্চলত বৰষুণৰ পানীয়ে সৃষ্টি কৰিছে প্ৰৱল কৃত্ৰিম বানপানীৰ।

ধাৰাসাৰ বৰষুণ আৰু কৃত্ৰিম বানৰ ফলত অঞ্চলকেইটাত হোৱা ভূমিস্খলনৰ ফলত বহু আৱাসগৃহ খহি পৰিছে।

আনহাতে, উদ্ধাৰকাৰী দলে দুয়োটা অঞ্চলৰ পৰা অতি কমেও ২৫ গৰাকী আহত লোকক উদ্ধাৰ কৰি চিকিৎসালয়ত ভৰ্তি কৰিছে।

মুম্বাইৰ দাদৰ, পাৰেল, মুতাংগা, কুৰ্লা, চিয়ন, ভান্দুপ আদি ঠাইত কৃত্ৰিম পানীত বুৰ যোৱাৰ বাবে ৰে’লৰ চলাচল ব্যাহত হৈছে।