একেৰাহে দ্বিতীয় নিশাও পুনৰ ভূমিকম্পই জোকাৰিলে ৰাজ্য; এইবাৰ কিমান আছিল প্ৰাবল্য?
একেৰাহে দ্বিতীয়বাৰৰ বাবে যোৱা নিশা ৰাজ্যত পুনৰ অনুভুত হ’ল ভূমিকম্পৰ জোকাৰণি।
যোৱা নিশা ১ বাজি ৭মিনিট ৩২ ছেকেণ্ডত পুনৰ ৰিখটাৰ স্কেলত ৪.২ মেগনিটিউডৰ এটা ভূমিকম্পই ৰাজ্যখন জোকাৰি যায়।
নেশ্যনেল চেন্টাৰ ফৰ ছেইছম’লজিয়ে এইকথা নিশ্চিত কৰিছে।
নেশ্যনেল চেন্টাৰ ফৰ ছেইছম’লজিৰ পৰা জানিব পৰা মতে ভূমিকম্পটোৰ গভীৰতা আছিল ভূগৰ্ভৰ ৩০কিলোমিটাৰ গভীৰত।
ভূমিকম্পটোৰ উৎপত্তিস্থল মধ্য অসমৰ শোণিতপুৰ জিলাৰ তেজপুৰৰ পৰা ৩৯ কিলোমিটাৰ পশ্চিম দিশত আছিল।
নিশা মানুহ শুই থকাৰ সময়তে অহা ভূমিকম্পৰ জোকাৰণিয়ে বহুতকে শংকিত কৰি তোলে। গুৱাহাটী আৰু ইয়াৰ উপকন্ঠ অঞ্চলতো ভূমিকম্পটোৰ জোকাৰণি অনুভুত হয়।
Earthquake of Magnitude:4.2, Occurred on 19-06-2021, 01:07:32 IST, Lat: 26.72 & Long: 92.40, Depth: 30 Km ,Location: 39km W of Tezpur, Assam, India for more information download the BhooKamp App https://t.co/dhNlJ7JrQy pic.twitter.com/5NnTTJehqr
— National Center for Seismology (@NCS_Earthquake) June 18, 2021
ভূমিকম্পটোৰ ফলত কোনোধৰণৰ ক্ষয়ক্ষতিৰ বাতৰি পোৱা হোৱা নাই।
আনহাতে, বৃহস্পতিবাৰে নিশাও ২ বাজি ৪মিনিট ৪ছেকেণ্ডত ৰিখটাৰ স্কেলত ৪.১ মেগনিটিউডৰ এটা ভূমিকম্পই জোকাৰি গৈছিল।
নেশ্যনেল চেন্টাৰ ফৰ ছেইছম’লজিয়ে জানিবলৈ দিয়া মতে সেই ভূমিকম্পটোৰ গভীৰতা আছিল ভূগৰ্ভৰ ২২কিলোমিটাৰ গভীৰত।
তদুপৰি, ভূমিকম্পটোৰ উৎপত্তিস্থলো আছিল মধ্য অসমৰ শোণিতপুৰ জিলাৰ তেজপুৰৰ পৰা ৩৬ কিলোমিটাৰ পশ্চিম উত্তৰ পশ্চিম দিশেত।
উল্লেখ্য যে ৰাজ্যত বিগত কিছুদিনত কেইবাটাও মজলীয়া ধৰণৰ ভূমিকম্পৰ জোকাৰণি অনুভুত হৈ আহিছে।