দেশত ২৪ ঘণ্টাত ক’ৰণাত মৃত্যু ৪৫৩ জনৰ; বৃদ্ধি পাইছে অ’মিক্ৰণ সংক্ৰমিত ৰোগীৰ সংখ্যা

ভাৰতত যোৱা ২৪ ঘণ্টাত ৫,৩২৬ জন নতুন ক’ভিদ-19 সংক্ৰমিত ৰোগী ধৰা পৰিছে। মঙলবাৰে স্বাস্থ্য আৰু পৰিয়াল কল্যাণ মন্ত্ৰালয়ে এই তথ্য সদৰী কৰিছে।

ইয়াৰ সৈতে দেশৰ ক’ভিদ কেছলোড ৩,৪৭,৫২,১৬৪ ত উপনীত হয়। ভাৰতৰ সক্ৰিয় কেছলোড বৰ্তমান ৭৯,০৯৭ টা।

আনহাতে দেশত যোৱা ২৪ ঘণ্টাত ৪৫৩ টা নতুন ক’ভিদ সম্পৰ্কীয় মৃত্যুৰ খবৰ মন্ত্ৰালয়ে ৰাজহুৱা কৰিছে। ইয়াৰ ফলত দেশত ক’ভিদত মৃত্যু হোৱা ৰোগীৰ সংখ্যা ৪,৭৮,০০৭ জন হৈছে।

উল্লেখ্য সোমবাৰে ক’ভিদ সংক্ৰান্তীয় ১৩২ জনৰ মৃত্যুৰ বিপৰীতে মঙ্গলবাৰে মৃত্যুৰ সংখ্যা যথেষ্ট বৃদ্ধি পাইছে।

স্বাস্থ্য আৰু পৰিয়াল কল্যাণ মন্ত্ৰালয়ৰ মতে দেশৰ সক্ৰিয় ৰোগীৰ সংখ্যা সৰ্বমুঠ ৰোগীৰ এক শতাংশতকৈও কম। বৰ্তমান সক্ৰিয় ৰোগী ০.২৪ শতাংশ, যি যোৱা বছৰৰ মাৰ্চৰ পিছত সৰ্বনিম্ন।

আনহাতে ক’ভিদৰ দ্ৰুত বিস্তাৰিত নতুন প্ৰজাতি অ’মিক্ৰনৰ সংক্ৰমণৰ সংখ্যা ভাৰতত ২০০-ৰ সীমা অতিক্ৰম কৰিছে বুলি কেন্দ্ৰীয় স্বাস্থ্য মন্ত্ৰালয়ে জানিবলৈ দিয়ে।

অৱশ্যে ইয়াৰ ভিতৰত ৭৭ জন ৰোগী আৰোগ্য হৈছে বুলি মন্ত্ৰালয়ে সদৰী কৰে।