বিশ্বনাথ ঘাটত অভ্যন্তৰীণ জল পৰিবহণ ব্যৱস্থা পুনৰ আৰম্ভ কৰাৰ দাবী AJYCPৰ
বৃটিছ আমোলৰ দিনৰ পৰাই বিশ্বনাথ ঘাটত অভ্যন্তৰীণ জল পৰিবহণ ব্যৱস্থা আছিল। এই ব্যৱস্থাই অঞ্চলটোৰ যাতায়তকে ধৰি ব্যৱসায় বানিজ্য ক্ষেত্ৰলৈকে যথেষ্ট অৱদান আগবঢ়াছিল।
১৯৭০ চনত বিশ্বনাথ ঘাটৰ পৰা শিলঘাটলৈ আৰাম্ভ কৰা এই অভ্যন্তৰীণ জল পৰিবহণ ব্যৱস্থা ১৯৭১ চনত চৰকাৰে বন্ধ কৰি দিয়াৰ পিছত আজিলৈকে জলপথটো পুনৰ কাৰ্য্যক্ষম কৰাৰ কোনো ব্যৱস্থা গ্ৰহণ কৰা নহ’ল।
বিশ্বনাথ ঘাটত অভ্যন্তৰীণ জল পৰিবহণ বিভাগটো বিশ্বনাথ চাৰিআলিত পুনৰ কাৰ্য্যক্ষম কৰাৰ দাবীত আজি অসম জাতীয়তাবাদী যুৱ ছাত্ৰ পৰিষদৰ বিশ্বনাথ জিলা সমিতিৰ তৰফৰ পৰা অসমৰ জল পৰিবহণ বিভাগৰ অধক্ষলৈ বিশ্বনাথৰ উপায়ুক্তৰ জৰিয়তে এখন স্মাৰকপত্ৰ প্ৰেৰণ কৰা হয়।
এই জলপথটো পুনৰ কাৰ্য্যক্ষম হ’লে বিশ্বনাথ ঘাট ব্যৱসায় বানিজ্যৰ এক কেন্দ্ৰস্থল হৈ উঠিব আৰু অসমৰ পৰ্যটনৰ মানচিত্ৰত এক নতুন সংযোগ হ’ব, ইয়াৰ সমান্তৰালভাৱে স্থানীয় যুৱক-যুৱতীসকলৰ বাবে কৰ্মসংস্থানৰ নতুন পথ মুকলি হ’ব।
আজিৰ স্মাৰকপত্ৰ প্ৰদান কাৰ্য্যসূচীত অংশগ্ৰহণ কৰে AJYCPৰ বিশ্বনাথ জিলা সমিতিৰ সাধাৰণ সম্পাদক দিগন্ত বৰুৱা, উপ-সভাপতিদ্বয় ক্ৰমে অমৰজ্যোতি বৰা, প্ৰিয়াংকু ডেকা, যুতিয়া সম্পাদকদ্বয় ক্ৰমে বিশ্বজিৎ দাস আৰু নিহাৰ শইকীয়াই।
You may also like
আন্তঃৰাষ্ট্ৰীয় পৰ্যায়ৰ প্ৰতিযোগিতাত উজলিল অসম সন্তান দিগৰ
শেহতীয়াভাৱে বিভিন্ন ক্ষেত্ৰত অসমৰ প্ৰতিভাৱান প্ৰজন্মই ৰাজ্যখনৰ নাম উজলাই তোলাৰ সময়তে আন এগৰাকী অসমৰ ছাত্ৰই আন্তঃৰাষ্ট্ৰীয় প্ৰতিযোগিতাত সাফল্য কঢ়িয়াবলৈ সক্ষম হৈছে। অলিম্পিয়াডৰ…
৫৮ বছৰীয়া মহিলাক ধৰ্ষণ কৰি হত্যা কৰিলে ১৬ বছৰীয়া কিশোৰে
মধ্যপ্ৰদেশৰ ৰেৱা জিলাত সংঘটিত হৈছে এক চাঞ্চল্যকৰ কাণ্ড। যোৱা ৩০ জানুৱাৰীৰ নিশা এটি ১৬ বছৰীয়া কিশোৰে এগৰাকী ৫৮ বছৰীয়া মহিলাক ধৰ্ষণ কৰি…
কানাডাৰ পৰা আহি ম্যাদ উকলা ভিছালৈ অসমত ধৰ্ম প্ৰচাৰ; আৰক্ষীয়ে পঠিয়াই দিলে দেশলৈ
ম্যাদ উকলি যোৱা পৰ্যটন ভিছাত জড়িত থকাৰ অপৰাধত এজন ব্যক্তিক আৰক্ষীয়ে আটক কৰে। শেষত কানাডাৰ ধৰ্মপ্ৰচাৰকজনক নিজৰ দেশলৈ ঘূৰাই পঠিওৱা হ’ল। জানিব…
অচিনাকি ফোন নম্বৰৰ পৰা আচাৰ্য পংকজ পাঠকক হত্যাৰ ভাবুকি
মহানগৰীৰ সোণাপুৰৰ আচাৰ্য পংকজ পাঠকক হত্যাৰ ভাবুকি দিছে কোনো দুৰ্বৃত্তই। ফোন যোগে হত্যাৰ ভাবুকি প্ৰদান কৰিছে পাঠকক। ঘটনা সন্দৰ্ভত পংকজ পাঠকে নৰ্থ…