পিপিই কিট পিন্ধি গহনাৰ দোকানৰ পৰা ৭৮০ গ্ৰাম সোণ চুৰি কৰি নিলে চোৰে

ক’ৰ’নাতংকৰ মাজতে দেশত বৃদ্ধি পাইছে চুৰি কাণ্ডৰ দৰে অসামাজিক কাম।

ক’ৰ’না কালত চোৰে নতুন বুদ্ধি উদ্ভাৱনেৰে আৰম্ভ কৰিছে চুৰি কাণ্ড।

এইবাৰ পিপিই কিট পিন্ধি চোৰে এখন গহনাৰ দোকানৰ পৰা ৭৮০ গ্ৰাম সোণ চুৰি কৰি নিয়া এটা ঘটনা পোহৰলৈ আহিছে।

যোৱা দেওবাৰে এই চুৰি কাণ্ডটো সংঘটিত হৈছে মহাৰাষ্ট্ৰৰ এখন গহনাৰ দোকানত।

ইতিমধ্যে স্থানীয় আৰক্ষী থানাত গহনা দোকানখনৰ স্বত্বাধিকাৰীয়ে গোচৰ দাখিল কৰিছে।

ঘটনাৰ বিৱৰণীৰ মতে পিপিই কিট পৰিহিত চোৰটোৱে বেৰ ভাঙি দোকানত প্ৰৱেশ কৰি ৭৮ তোলা সোণ চুৰি কৰি উধাও হয়।

উল্লেখ্য যে, চুৰিকাণ্ডটোৰ সমগ্ৰ দৃশ্যৰাজী চিচিটিভিৰ কেমেৰাত আৱদ্ধ হৈ ৰ’ল।

চিচিটিভিৰ কেমেৰাৰ ফুটেজৰ সহায়ত আৰক্ষীয়ে তদন্ত প্ৰক্ৰিয়া আৰম্ভ কৰিছে।

আৰক্ষীয়ে কয় যে, চিচিটিভিৰ ফুটেজত চোৰটোৱে টুপি, মাস্ক, প্লাষ্টিকৰ জাকেট আৰু হাত মোজা পৰিধান কৰা দেখা গৈছে।