আনল’ক ৫.০; চলচ্চিত্ৰ গৃহ, পৰ্যটন স্থান পুনৰ মুকলিৰ কৰাৰ সম্ভাৱনা

চতুৰ্থ পৰ্যায়ৰ আনলকৰ সামৰণি পৰাৰ পাছতে কেন্দ্ৰীয় গৃহ মন্ত্ৰ্যালয়ে অক্টোবৰ মাহৰ বাবে কিছু পৰিমাণে নীতি-নিৰ্দেশনা শিথিল কৰি দিয়াৰ সম্ভাৱনা আছে।

ইয়াৰ পূৰ্বে কেন্দ্ৰীয় গৃহ মন্ত্ৰ্যালয়ে বিশেষ নিৰ্দেশনাযোগে দেশত মেট্ৰ’ ৰে’ল সেৱা পুনৰ মুকলি কৰাৰ বাবে অনুমতি প্ৰদান কৰিছিল।

গৃহ মন্ত্ৰ্যালয়ে আনলক ৫.০ৰ মাধ্যমেৰে জনসাধাৰণক আৰু কিছু পৰিমাণে শিথিলতা প্ৰদান কৰাৰ সম্ভাৱনা আছে।

অক্টোবৰৰ ১ তাৰিখৰ পৰা আনল’ক ৫.০ কাৰ্য্যকৰী হ’ব।

আনল’ক ৫.০ৰ নিৰ্দেশনা অনুসৰি দেশত চলচ্চিত্ৰ গৃহ সমূহ খোলাৰ লগতে পৰ্যটন স্থান সমূহ পুনৰ মুকলি কৰাৰ সম্ভাৱনা আছে।

পশ্চিমবংগৰ মমতা বেনাৰ্জী চৰকাৰে ৰাজ্যখনত ১ অক্টোবৰৰ পৰা পুনৰ চলচ্চিত্ৰ গৃহ সমূহ খোলাৰ সিদ্ধান্ত গ্ৰহণ কৰিছে।

আনহাতে, আনল’ক ৫.০ৰ নিৰ্দেশনা অনুসৰি নৱম শ্ৰেণীৰ পৰা দ্বাদশ শ্ৰেণীলৈ পাঠদান পুনৰ আৰম্ভ হোৱাৰো সম্ভাৱনা আছে।

উল্লেখযোগ্য যে, ছেপ্তেম্বৰৰ ১ তাৰিখৰ পৰা দেশত আনল’ক ৪.০ৰ নতুন নিৰ্দেশনা জাৰি কৰা হৈছিল। আনল’ক ৪.০ৰ নিৰ্দেশনা অনুসৰি মেট্ৰ’ ৰে’লসেৱা, সামাজিক, সাংস্কৃতিক, ধৰ্মীয় স্থান সমূহ পুনৰ মুকলি কৰাৰ বাবেও নিৰ্দেশনা জাৰি কৰা হৈছিল।