স্বেচ্ছামূলক অৱসৰ গ্ৰহণ কৰিব গুৱাহাটী মহানগৰীৰ প্ৰথমগৰাকী আৰক্ষী আয়ুক্তই

এছএছবিৰ বিশেষ সঞ্চালক হিচাপে কৰ্মৰত জ্যোতিৰ্ময় চক্ৰৱৰ্তীয়ে স্বেচ্ছামূলক অৱসৰ গ্ৰহণ কৰিব।

কিছুদিন পূৰ্বে তেওঁ স্বেচ্ছামূলক অৱসৰ বিচাৰি চৰকাৰৰ ওচৰত আবেদন জনাইছিল।

চৰকাৰে আজি তেওঁৰ আবেদন  মঞ্জুৰ কৰে বুলি জানিব পৰা গৈছে।

গুৱাহাটী মহানগৰীৰ প্ৰথমগৰাকী আৰক্ষী আয়ুক্ত হিচাবে কাৰ্যনিৰ্বাহ কৰি যোৱা  জ্যোতিৰ্ময় চক্ৰৱৰ্তী অসম আৰক্ষীৰ এগৰাকী দক্ষ তথা সৎ আৰক্ষী বিষয়া হিচাবে পৰিচিত।

অসম-মেঘালয়ৰ ১৯৮৬ বৰ্ষৰ কেডাৰ  আই পি এছ বিষয়া চক্ৰবৰ্তীয়ে ৩১ অক্টোবৰত চাকৰিৰ পৰা অৱসৰ গ্ৰহণ কৰিব বুলি জানিব পৰা গৈছে ।

অৱশ্যে কি কাৰণত তেওঁ স্বেচ্ছামূলক অৱসৰ গ্ৰহণ কৰিবলৈ সিদ্ধান্ত লৈছে সেয়া এতিয়াও জানিব পৰা হোৱা নাই।

দক্ষ আৰক্ষী বিষয়া জ্যোতিৰ্ময় চক্ৰৱৰ্তীয়ে অসম আৰক্ষীৰ পৰা স্বেচ্ছামূলক অৱসৰ গ্ৰহণ কৰিবলৈ ওলোৱা কথাই বিভাগটোৰ বিষয়া-কৰ্মচাৰীসকলৰ মনত যথেষ্ট দুখ দিয়া বুলি বহুতে প্ৰকাশ কৰিছে।