সোমবাৰে এখন বৃহৎ সমাবেশ সম্বোধন কৰিম : ক’ৰ’নাৰ পৰা আৰোগ্য লাভ কৰিয়ে ট্ৰাম্পৰ ঘোষণা

আমেৰিকা যুক্তৰাষ্ট্ৰৰ ৰাষ্ট্ৰপতি ড’নাল্ড ট্ৰাম্পে ক’ৰ’নাৰ চিকিৎসাৰ পাছত হোৱাইট হাউচলৈ উভতি অহাৰ পাছতে সোমবাৰে বৃহৎ সমদলক সম্বোধন কৰিব বুলি মন্তব্য কৰে।

” হয়তো সোমবাৰে চেনফোৰ্ড অথবা ফ্লোৰিডাত এখন বৃহৎ সমাবেশ অনুষ্ঠিত হ’ব,” ৰাষ্ট্ৰপতি ড’নাল্ড ট্ৰাম্পে এইদৰে টুইট কৰে।

ৰাষ্ট্ৰপতি ট্ৰাম্পে ক’ৰ’না ভাইৰাছৰ চিকিৎসা গ্ৰহণ কৰি থকাৰ পাছতে শনিবাৰে হোৱাইট হাউচত এখন অনুষ্ঠানত অংশগ্ৰহণ কৰিছিল।

উল্লেখযোগ্য যে, বিগত সপ্তাহত ৰাষ্ট্ৰপতি ট্ৰাম্প আৰু তেওঁৰ পত্নী মেলেনিয়া ট্ৰাম্পৰ শৰীৰত ক’ৰ’না ভাইৰাছৰ উপস্থিতি ধৰা পৰিছিল।

দুদিন চিকিৎসালয়ত কটোৱাৰ পাছতে হোৱাইট হাউচলৈ উভতি অহা ট্ৰাম্পে ক’ৰ’নাক জীৱন লোৱা বেমাৰ নহয় বুলি ছ’চিয়েল মিডিয়াত মত প্ৰকাশ কৰিছিল।

পৰৱৰ্তী সময়ত ট্ৰাম্পৰ এই মন্তব্য ফেইচবুকে ডিলিট কৰি দিছিল।

ক’ৰ’নাৰ সংক্ৰমণৰ পূৰ্বে ট্ৰাম্পে ডেম’ক্ৰটিক দলৰ ৰাষ্ট্ৰপতি পদৰ প্ৰাৰ্থী জ’ বিডেনৰ সৈতে আমেৰিকাৰ ৰাষ্ট্ৰপতি নিৰ্বাচনৰ প্ৰথমখন তৰ্কত অংশগ্ৰহণ কৰিছিল।

১৫ অক্টোবৰত ট্ৰাম্পে দ্বিতীয়খন তৰ্কত অংশগ্ৰহণ কৰিব।