ত্ৰিপুৰাত শোকাৱহ পথ দুৰ্ঘটনাত দুগৰাকী লোকৰ কৰুণ মৃত্যু

ত্ৰিপুৰাৰ ঢালাই জিলাৰ আম্বাচাত শুকুৰবাৰে সংঘটিত হোৱা এক শোকাৱহ পথ দুৰ্ঘটনাত দুগৰাকী লোকৰ মৃত্যু হোৱা ঘটনাই শোকৰ ছাঁ পেলাইছে।

মৃত্যু হোৱা ব্যক্তি দুগৰাকী হৈছে ১৬ বছৰীয়া ছাত্ৰ ৰিয়া নমসূদ্ৰ আৰু নিৰ্মাণ কাৰ্য্যৰ শ্ৰমিক জীৱন দেৱনাথ।

জীৱন দেৱনাথৰ ঘৰ আম্বাছাৰ চন্দ্ৰাই চাৰা অঞ্চলত।

দুয়ো বাইকেৰে আহি থকা অৱস্থাত এখন দ্ৰুতবেগী ট্ৰাকে দুয়োকো মহতিয়াই নিয়াৰ ফলতে শোকাৱহ পথ দুৰ্ঘটনাটো সংঘটিত হয় বুলি স্থানীয় লোকে জানিবলৈ দিয়ে।

প্ৰত্যক্ষদৰ্শীয়ে উল্লেখ কৰা অনুসৰি, ধৰমনগৰৰ পৰা আগৰতলা অভিমুখে আহি থকা এখন ট্ৰাকৰ সৈতে দুয়ো আহি থকা বাইকখনৰ মুখামুখি সংঘৰ্ষ সংঘটিত হয় আৰু এই দুৰ্ঘটনাটোৰ ফলত জীৱন দেৱনাথ নামৰ লোক গৰাকীৰ থিতাতে মৃত্যু হয়।

আনহাতে, ট্ৰাকখনে দুৰ্ঘটনাটোৰ পাছত নিয়ন্ত্ৰণ হেৰুৱাই ৰিয়া নামৰ এগৰাকী স্কুলীয়া ছাত্ৰীকো খুন্দা মাৰে।

ট্ৰাকৰ খুন্দাত গুৰুতৰভাৱে আঘাতপ্ৰাপ্ত হোৱা ছাত্ৰী গৰাকীক কুলাই চিকিৎসালয়ত ভৰ্তি কৰোৱা হয়।