আজি সন্ধিয়া ৬ বজাত দেশবাসীক সম্বোধন কৰিব প্ৰধানমন্ত্ৰী মোদীয়ে : কি কি ক’ব প্ৰধানমন্ত্ৰীয়ে!

মংগলবাৰে সন্ধিয়া ৬ বজাত দেশবাসীক সম্বোধি ভাষণ প্ৰদান কৰিব দেশৰ প্ৰধানমন্ত্ৰী নৰেন্দ্ৰ মোদীয়ে।

দেশবাসীৰ উদ্দেশ্যি নিজৰ টুইটাৰ একাউন্টত এই বিষয়ে টুইট কৰি জনালেও কি বিষয়ৰ ওপৰত দেশবাসীক সম্বোধি ভাষণ প্ৰদান কৰিব সেই বিষয়ে প্ৰধানমন্ত্ৰীয়ে কোনো ইংগিত দিয়া নাই।

দেশত ৭.৫ মিলিয়নৰো অধিক লোক ক’ৰ’ণাত আক্ৰান্ত হোৱাৰ লগতে ১,১৫,১৯৭ গৰাকী লোক ক’ৰ’ণাত আক্ৰান্ত হৈ মৃত্যু হোৱাৰ সময়ত পৰৱৰ্তী কালত দেশবাসীয়ে কিদৰে ক’ৰ’ণাৰ বিৰুদ্ধে যুঁজ কৰিব লাগিব তাৰ নতুন নীতি নিৰ্দেশনাৰ বিষয়ে প্ৰধানমন্ত্ৰীয়ে অৱগত কৰিব বুলি ধাৰণা কৰা হৈছে।

आज शाम 6 बजे राष्ट्र के नाम संदेश दूंगा। आप जरूर जुड़ें।

Will be sharing a message with my fellow citizens at 6 PM this evening.

— Narendra Modi (@narendramodi) October 20, 2020

আনহাতে পৰৱৰ্তী সপ্তাহতে দেশত উদযাপন কৰা হ’ব শাৰদীয় দুৰ্গা পূজা। ক’ৰ’ণা কালত কোভিড প্ৰট’কল মানি কিদৰে দেশবাসীয়ে দুৰ্গোৎসৱ উদযাপন কৰিব লাগিব তাৰো নিৰ্দেশনা দিব পাৰে প্ৰধানমন্ত্ৰী মোদীয়ে।

উল্লেখ্যে যে প্ৰধানমন্ত্ৰীয়ে দেশবাসীক সম্বোধন কৰি দিয়া পূৰ্বৰ ভাষণসমূহত কোভিডৰ বিপক্ষে যুঁজিবলৈ দেশবাসীক নতুন নীতি নিৰ্দেশনা দি আহিছে।

যোৱা ৩০ জুনত দেশবাসীক উদ্দেশ্যি প্ৰদান কৰা ভাষণত প্ৰধানমন্ত্ৰীয়ে কোভিড প্ৰতিৰোধৰ ক্ষেত্ৰত দেশবাসী আৰু অধিক অদায়িত্বশীল আৰু অসতৰ্ক হোৱা বুলি মন্তব্য কৰিছিল।

উল্লেখ্য যে, যোৱা ১২ মাৰ্চত দেশবাসীক সম্বোধন কৰি দিয়া ভাষণত প্ৰধানমন্ত্ৰী গৰাকীয়ে কোভিড পৰিস্থিতিৰ বাবে দেশবাসীয়ে ভোগা অৰ্থনৈতিক অন্ধকূপৰ উদ্ধাৰ কৰিবলৈ ২০ লাখ কোটি টকাৰ পেকেজ ঘোষণা কৰিছিল।