নগাঁৱৰ পুৰণিগুদামত বিয়লি সংঘটিত শোকাৱহ পথ দুৰ্ঘটনাত থিতাতে নিহত এজন
ৰাজপথত যমদূতৰূপী ডাম্পাৰৰ দৌৰাত্ম্যই পলকতে কালৰ গৰ্ভত চিৰকালৰ বাবে বিলিন কৰি দিলে এটি জীৱন।
নগাওঁ জিলাৰ পুৰণিগুদামৰ ন’আলিমুৰত সোমাবাৰে বিয়লি সংঘটিত এক ভয়ংকৰ পথ দুৰ্ঘটনাই শোকাকুল পৰিবেশৰ সৃষ্টি কৰিলে সমগ্ৰ অঞ্চলটোতে।
ন’আলিমুৰ স্থিত বৰ মছজিদৰ সন্মুখত নগাঁও অভিমূখী এ.এচ-0১ডি.ডি-১৫০২ নম্বৰৰ দ্ৰুতবেগী এখন ডাম্পাৰে মহতিয়াই নিলে এখন বাইক সহ এজন বাইক আৰোহীক।
দুৰ্ঘটনাটোৰ ফলত থিতাতে নিহত হয় চামগুৰিৰ ভগামুৰৰ প্ৰায় ৩৫ বছৰীয়া বাইক আৰোহী মকবুল হুছেইন।
উল্লেখ্য যে, ৩৭নং ৰাষ্ট্ৰীয় ঘাই পথেৰে এ.এচ-০২ডব্লিউ-৫৮৭৩ নম্বৰ এখন পালছাৰ মটৰ চাইকেল লৈ মকবুল হুছেইন নামৰ লোকজন নগাঁও অভিমূখে গৈ থকাৰ অৱস্থাত পিছৰ ফালৰ পৰা আহি ভয়াৱহ দুৰ্ঘটনা সংঘটিত কৰা ডাম্পাৰ খন এৰি ঘটনাস্থলীৰ পৰা পলায়ন কৰিবলৈ সক্ষম হয় ডাম্পাৰ চালক জন।
অৱশ্যে ঘটনাস্থলিত পুৰণিগুদাম আৰক্ষীৰ লোক উপস্থিতহৈ ততাতৈয়াকৈ মকবুলৰ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে মৃতদেহ নগাঁও অসামৰিক চিকিৎসালয়লৈ প্ৰেৰণ কৰে ।
দুৰ্ঘটনাটোৰ ফলত বহু সময় ধৰি তীব্ৰ যানজঁটৰ সৃষ্টি হয় ৰাজপথৰ দুয়ো দিশে।
You may also like
চামগুৰিত কংগ্ৰেছ দলৰ প্ৰাৰ্থী ৰকিবুল হুছেইনৰ ভোটাধিকাৰ সাৱ্যস্ত
প্ৰথম পৰ্যায়ৰ ভোট গ্ৰহণৰ সময়ত নগাঁও জিলাৰ চামগুৰি বিধান সভা সমষ্টিত পুৱাৰ পৰাই কেন্দ্ৰসমূহত ভোটাৰ ৰাইজৰ ভিৰ হোৱা পৰিলক্ষিত হয় ৷ বিগত…
কোভিড ৰোগীৰ বাবে আই চি ইউ বিচনা যোগাৰৰ বাবদ ঘোচ লৈ গ্ৰেপ্তাৰ হ’ল এগৰাকী নাৰ্ছ
চিকিৎসালয়ত কোভিড ৰোগীক আই চি ইউৰ বিচনা দিম বুলি ঘোচ লৈ গ্ৰেপ্তাৰ হ’বলগীয়া হৈছে এগৰাকী নাৰ্ছ। এই ঘটনাটো সংঘটিত হৈছে ৰাজস্থানৰ জয়পুৰৰ…
গুৱাহাটীত ভয়ংকৰ কৃত্ৰিম বানত মুকলি নলাত পৰি উটি গ’ল মহিলা, উদ্ধাৰ মৃতদেহ
দেওবাৰে (১৯ এপ্ৰিল) সন্ধিয়া হোৱা প্ৰবল বৰষুণৰ ফলত সমগ্ৰ গুৱাহাটীত ব্যাপক বানৰ ফলত স্বাভাৱিক জীৱনযাত্ৰা ব্যহত হৈ পৰে। মহানগৰীৰ হাতীগাঁও, ছয় মাইল,…
কাইলৈ উচ্চতৰ মাধ্যমিকৰ চূড়ান্ত বৰ্ষৰ ফল ঘোষণা; upolobdha নামৰ এপৰ উপৰি চাব পাৰিব কেইবাটাও ৱেবছাইটত
কাইলৈ, অৰ্থাৎ ২৫ মে’ত ঘোষণা কৰা হ’ব উচ্চতৰ মাধ্যমিকৰ চূড়ান্ত বৰ্ষৰ ফলাফল। পৰীক্ষাটোৰ আয়োজক অসম উচ্চতৰ মাধ্যমিক শিক্ষা সংসদে পুৱা ৯ বজাতেই…