গোলাঘাট জিলাৰ  ২৮ টা কেন্দ্ৰত ১ এপ্ৰিলৰ পৰা আৰম্ভ হ’ব আধাৰ কাৰ্ড পঞ্জীয়নৰ কাম

অসমৰ অন্য জিলাৰ সমান্তৰালকৈ গোলাঘাট জিলাটো অহা ১ এপ্ৰিলৰ পৰা আধাৰ কাৰ্ড পঞ্জীয়নকৰণৰ কাম আৰম্ভ হ’ব । জনসাধাৰণৰ সুবিধাৰ্থে গোলাঘাট জিলা প্ৰশাসনে জিলাখনত মুঠ ২৮টা আধাৰ পঞ্জীয়ন কেন্দ্ৰ স্থাপন কৰাৰ সিধান্ত গ্ৰহন কৰিছে৷

আধাৰ কাৰ্ড পঞ্জীয়নৰ বাবে দেৰগাওঁ, মৰঙী, খুমটাই ৰাজহ চক্ৰৰ অধীনত ২ টাকৈ,  সৰুপথাৰ আৰু বোকাখাত ৰাজহ চক্ৰৰ অধীনত ৬ টা আৰু গোলাঘাট ৰাজহ চক্ৰৰ অধীনত ১০টা আধাৰ কাৰ্ড পঞ্জীয়ন কেন্দ্ৰ স্থাপনৰ সিধান্ত কৰা বুলি জনায় জিলা প্ৰশাসনৰ সুত্ৰই।

এই কেন্দ্ৰ সমূহৰ ভিতৰত বোকাখাত ৰাজহ চক্ৰৰ অধীনত বোকাখাত মহকুমাধিপতিৰ কাৰ্যালয়, উদ্যোগ আৰু বাণিজ্য বিভাগৰ অধীক্ষকৰ কাৰ্যালয়, জলসম্পদ বিভাগৰ সহকাৰী কাৰ্যবাহী অভিযন্তাৰ কাৰ্যালয়, বোকাখাত পৌৰ সভাৰ কাৰ্যালয়, গোলাঘাট পশ্চিম খণ্ড উন্নয়ন বিষয়াৰ কাৰ্যালয় আৰু এন.আৰ.এল ৰ চৌহদত আধাৰ কাৰ্ড পঞ্জীয়ন কেন্দ্ৰ স্থাপন কৰিব।

একেদৰে দেৰগাঁও ৰাজহ চক্ৰৰ অধীনত দেৰগাঁও চক্ৰ বিষয়াৰ কাৰ্যালয়, কাকডঙা খণ্ড উন্নয়ন বিষয়াৰ কাৰ্যালয়, মৰঙি ৰাজহ চক্ৰৰ অধীনত মৰঙি চক্ৰৰ বিষয়াৰ কাৰ্যালয় আৰু মৰঙি খণ্ড উন্নয়ন বিষয়াৰ কাৰ্যালয়, খুমটাই ৰাজহ চক্ৰৰ অধীনত খুমটাই মডেল এল.পি. স্কুল আৰু দুচুতিমুখ গাঁও পঞ্চায়ত কাৰ্যালয় আৰু সৰুপথাৰ ৰাজহ চক্ৰৰ অধীনত বৰপথাৰ টাউন কমিতিৰ কাৰ্যালয়, গড়কাপ্তানিৰ পৰিদৰ্শন বঙলা, সৰুপথাৰ টাউন কমিতিৰ কাৰ্যালয়, গোলাঘাট দক্ষীণ খণ্ড উন্নয়ন বিষয়াৰ কাৰ্যালয়, গড়কাপ্তানি (গ্ৰমীণ), সৰুপথাৰৰ সহকাৰী কাৰ্যবাহী অভিযন্তাৰ কাৰ্যালয়তো আধাৰ পঞ্জীয়ন কেন্দ্ৰ স্থাপন কৰিব বুলি জিলা প্ৰশাসনে জানিবলৈ দিয়ে।

ইয়াৰ উপৰি গোলাঘাট ৰাজহ চক্ৰৰ অধীনত গড়কাপ্তানি (গ্ৰমীণ), গোলাঘাটৰ কাৰ্যবাহী অভিযন্তাৰ কাৰ্যালয়, জিলা পৰিষদৰ মুখ্য কাৰ্যবাহী বিষয়াৰ কাৰ্যালয়, গোলাঘাট পৌৰ সভাৰ কাৰ্যালয়, জিলা গ্ৰাম্য উন্নয়ন ব্যৱস্থাপনাৰ প্ৰকল্প বিষয়াৰ কাৰ্যালয়, পদুমণি খণ্ড উন্নয়ন বিষয়াৰ কাৰ্যালয়, মেৰাপানী গাঁও পঞ্চায়ত কাৰ্যালয়, চাওঁদাং গাঁও পঞ্চায়ত কাৰ্যালয়, চিচুপানী গাঁও পঞ্চায়ত কাৰ্যালয়, কাচমাৰী গাঁও পঞ্চায়ত কাৰ্যালয় আৰু ৰতনপুৰ গাঁও পঞ্চায়ত কাৰ্যালয়ত আধাৰ কাৰ্ড পঞ্জীয়নৰ কেন্দ্ৰ স্থাপন কৰিব প্ৰশাসনে ৷

উল্লেখ্য যে জিলাখনত অহা ১ এপ্ৰিলৰ পৰা আধাৰ কাৰ্ডৰ কাম আৰম্ভ কৰা হ’ব বুলি ৰাজহ চক্ৰ বিষয়া খনীন দাসে জনায় ৷