বিশ্বনাথত অসম জাতীয়তাবাদী যুৱ ছাত্ৰ পৰিষদৰ পথ সভা

অসম জাতীয়তাবাদী যুৱ-ছাত্ৰ পৰিষদৰ কেন্দ্ৰীয় সমিতিৰ নিৰ্দেশ মৰ্মে সমগ্ৰ অসমৰ লগতে পৰিষদৰ বিশ্বনাথ জিলা সমিতিৰ অন্তৰ্গত দক্ষিণ চাৰিআলি আঞ্চলিক সমিতিৰ উদ্যোগত  আঞ্চলিক সমিতিখনৰ অন্তৰ্গত বিভিন্ন স্থানত পথ সভা অনুষ্ঠিত কৰা হয়।

নাগৰিকত্ব সংশোধনী আইনৰ বিৰূদ্ধে আৰু অসমত আন্তঃৰাজ্যিক পাৰপত্ৰ ব্যৱস্থা প্ৰৱৰ্তনৰ দাবীত ২৮ জানুৱাৰিত সংগঠনটোৰ কৰ্মীসকলে কেইবাখনো পথ সভা অনুষ্ঠিত কৰে।

পথ সভাৰ এই কাৰ্য্যসূচীত অসম জাতীয়তাবাদী যুৱ-ছাত্ৰ পৰিষদৰ দক্ষিণ চাৰিআলি আঞ্চলিক সমিতিৰ সভাপতি যতীন বৰা, উপ সভাপতি ইন্দ্ৰজিৎ বৰুৱা, ভাৰপ্ৰাপ্ত সাধাৰণ সম্পাদক দিগন্ত বৰা, সাংগঠনিক সম্পাদক সৌৰভ বৰা আৰু বিশ্বনাথ জিলা সমিতিৰ যুতিয়া সম্পাদক নিহাৰ শইকীয়া কে ধৰি পৰিষদৰ দক্ষিণ চাৰিআলি আঞ্চলিক সমিতিৰ অন্তৰ্গত বিভিন্ন শাখা সমিতি সমূহৰ সদস্য সকলে অংশগ্ৰহণ কৰে।

পথ সভাত সংগঠনটোৰ প্ৰতিনিধি সকলে ৰাইজক নাগৰিকত্ব সংশোধনী আইন আৰু আন্তঃৰাজ্যিক পাৰপত্ৰ সম্পৰ্কে সজাগ কৰাৰ প্ৰয়াস কৰে।