কভিড-১৯ : পুনৰ লকডাউন হ’ব পাৰে মহাৰাষ্ট্ৰত, মুখ্যমন্ত্ৰী উদ্ধৱ ঠাকৰেৰ ঘোষণা

ভাৰতৰ বিভিন্ন ৰাজ্যৰ লগতে মহাৰাষ্ট্ৰতো পুনৰ কভিড-১৯ ৰোগীৰ সংখ্যা বৃদ্ধি হ’ব ধৰিছে।

যোৱা ২৪ ঘণ্টাৰ ভিতৰত ৯২১ জন লোকৰ দেহত কভিড-১৯ ধৰা পৰিছে।

ৰাজ্যখনৰ মুখ্যমন্ত্ৰী উদ্ধৱ ঠাকৰেই দেওবাৰে কয় যে সম্প্ৰতি পৰিস্থিতি অতি জটিল।

মুখ্যমন্ত্ৰীজনে পৰিস্থিতিৰ মোকাবিলা কৰিবৰ বাবে কিছু সামাজিক বাধা-নিষেধৰ কথা উল্লেখ কৰিছে।

ঘোষণা অনুযায়ী সকলো ধৰ্মীয়, সামাজিক, বৈবাহিক আৰু সাংস্কৃতিক অনুষ্ঠান সোমবাৰৰ বাবে নিষিদ্ধ হ’ব। মাস্ক পৰিধান বাধ্যতামূলক হ’ব।

মুখ্যমন্ত্ৰীজনে লগতে জনায় যে যদি অহা ৮ দিনৰ ভিতৰত পৰিস্থিতি সুস্থ নহয়, তেনেহ’লে লকডাউনৰ সিদ্ধান্ত লোৱা হ’ব পাৰে।

এই সংক্ৰান্তত তেওঁ কয় যে লকডাউন কোনেও নিবিচাৰে, মহাৰাষ্ট্ৰৰ জনতাৰ মতামত অনুযায়ী এই সিদ্ধান্ত লোৱা হ’ব।

ইতিমধ্যে ৰাজ্যখনৰ অন্যতম কভিদ-১৯ প্ৰভাৱিত চহৰ অমৰাৱতীত সোমবাৰৰ পৰা লকডাউনৰ ঘোষণা কৰা হৈছে।