আসন বুজাবুজিক লৈ অগপ-বিজেপিৰ মিলা নাই অংক! : আধাতে বৈঠক এৰিলে অগপ নেতৃত্বই

অগপ বিজেপিৰ আসন বুজা বুজিক লৈ আজি ৰাজ্যিক বিজেপিৰ সভাপতি ৰঞ্জিত দাসৰ চৰকাৰী আবাস গৃহত অনুষ্ঠিত হয় ৰুদ্ধদাৰ বৈঠক।

বৈঠকত উপস্থিত থাকে বিজেপিৰ সভাপতি ৰঞ্জিত দাস, মুখ্যমন্ত্ৰী সৰ্বানন্দ সোণোৱাল, মন্ত্ৰী হিমন্ত বিশ্ব শৰ্মা আৰু অগপৰ সভাপতি অতুল বৰা আৰু কাৰ্যকৰী সভাপতি কেশৱ মহন্ত।

বৈঠকৰ অন্তত দিল্লীৰ পৰাহে আসন ভাগ বতৰাৰ সন্দৰ্ভত চূড়ান্ত সিদ্ধান্ত আহিব বুলি উল্লেখ কৰে অগপৰ কাৰ্যকৰী সভাপতি কেশৱ মহন্তই।

অহা ৪ মাৰ্চত হ’ব আসন বুজা বুজিৰ চূড়ান্ত সিদ্ধান্ত।

অগপই ৪০ খন আসন দাবী কৰাৰ বিপৰীতে অগপৰ দখলত থকা সমষ্টি বিজেপিয়ে বিচাৰি আছে। বৰ্তমানলৈকে কোনো অংক মিলাব পৰা নাই দুয়োটা দলে।

ইপিনে, বৈঠক চলি থকাৰ মাজতে অগপ নেতৃত্বই আধাতে বৈঠক এৰি অহাৰ প্ৰসংগই বিশেষ তাৎপৰ্য বহন কৰিছে।

তদুপৰি দুয়োটা দলৰ মাজত হোৱা এই ৰুদ্ধদাৰ বৈঠকক প্ৰাথমিক পৰ্যায়ৰ আলোচনা আখ্যা কেশৱ মহন্তৰ।

কোনে লাভ কৰিব কেইখন আসন? অগপক কেইখন আসন এৰি দিব বিজেপিয়ে? এই সন্দৰ্ভত এতিয়াও মাৰ যোৱা নাই জল্পনা কল্পনা।