আৰক্ষী অধীক্ষকৰ নেতৃত্বত অভিযান; শুৱালকুছিৰ আৰক্ষীৰ জালত দুই ড্ৰাগছ সৰবৰাহকাৰী

কামৰূপ জিলা আৰক্ষী অধীক্ষক হিতেশ ৰয়ৰ নেতৃত্বত আৰু শুৱালকুছি আৰক্ষী থানাৰ লগতে বংশৰৰ স্থানীয় ৰাইজৰ সহযোগত দেওবাৰে সন্ধিয়া বংশৰ ভৃঙ্গেশ্বৰ দেৱালয়ৰ সমীপত দুজন ড্ৰাগছ সৰবৰাহকাৰী যুৱকক গ্ৰেপ্তাৰ কৰিবলৈ সক্ষম হয়৷

ধৃত যুৱক দুজন ক্ৰমে কামৰূপ জিলাৰ ৰামদিয়া মাজৰকুছিৰ হেমন্ত ডেকা আৰু প্ৰশান্ত ডেকা।

ইতিমধ্যে দুযোজন যুৱককে দীৰ্ঘদিন ধৰি শুৱালকুছি, হাজোৰ লগতে বিভিন্ন অঞ্চলত ড্ৰাগছ সৰবৰাহৰ লগত জড়িত থকা বুলি তথ্য লাভ কৰিছিল আৰক্ষীয়ে।

উল্লেখ্য যে অইন দিনাৰ দৰে দেওবাৰেও ড্ৰাগছ যোগান ধৰিবলৈ আহোতে আৰক্ষীয়ে গোপন সুত্ৰৰ পম খেদি যুৱক দুজনক বংশৰ ৰাইজৰ সহযোগত বংশৰ ভৃঙ্গেশ্বৰ দেৱালয় সমীপত গ্ৰেপ্তাৰ কৰিবলৈ সক্ষম হয়।

সমগ্ৰ ৰাজ্যজুৰি ড্ৰাগছ বিৰোধী অভিযান অব্যাহত থকাৰ মাজতে শুৱালকুছি আৰক্ষীয়েও ড্ৰাগছৰ বিৰুদ্ধে ব্যাপক অভিযান চলাই আছে।