দৈনিক ৩০ মিনিটৰ শাৰীৰিক গতিবিধিৰে সক্ৰিয়,সুস্থ আৰু ফিট হোৱাৰ সংকল্পেৰে শিৱসাগৰত ফ্ৰীদম দৌৰ
কেন্দ্ৰীয় চৰকাৰৰ ক্ৰীড়া আৰু যুৱ পৰিক্ৰমা মন্ত্ৰ্যালয়ৰ অধীনৰ নেহেৰু যুৱ কেন্দ্ৰৰ উদ্যোগত আজি শিৱসাগৰত ফিট ইণ্ডিয়া ফ্ৰীদম দৌৰৰ আয়োজন কৰা হয়।
নেচনেল ছাৰ্ভিচ স্ক্ৰীম(NSS)ৰ সহযোগত আয়োজিত হোৱা এই দৌৰ শিৱসাগৰ জিলা উপায়ুক্ত কাৰ্য্যালয়ৰ সমুখৰ পৰা শিৱসাগৰ সদৰৰ মহকুমা বিষয়া মন্দিৰা বৰুৱাই পতাকা জোকাৰি আনুষ্ঠানিকভাৱে শুভাৰম্ভ কৰে।
সুস্থ সৱল আৰু ফিট হৈ থকাৰ বাবে প্ৰত্যেক ব্যক্তিয়ে দৈনিক ৩০ মিনিটৰ শাৰীৰিক গতিবিধি সংযোগ কৰাৰ ওপৰত গুৰুত্ব আৰোপ কৰি এই দিশত জনজাগৰণ সৃষ্টি কৰাৰ বাবে আয়োজন কৰা দৌৰত বিভিন্ন মহাবিদ্যালয়ৰ ছাত্ৰ-ছাত্ৰী আৰু নেহেৰু যুৱ কেন্দ্ৰৰ কৰ্মকৰ্তাই অংশগ্ৰহণ কৰে।
এই দৌৰ আৰম্ভ হোৱাৰ পূৰ্বে অংশগ্ৰহণকাৰী সকলক নিজৰ জীৱনত শাৰীৰিক গতিবিধি সংযোগ কৰাৰ শপত বাক্য পাঠ কৰোৱা হয়।
স্বাধীনতাৰ ৭৫ বছৰীয়া জয়ন্তীৰ লগত সংগতি ৰাখি আয়োজন কৰা স্বাধীনতাৰ অমৃত মহোৎসৱ কাৰ্যসূচীৰ অংশৰূপে আয়োজিত এই দৌৰৰ পূৰ্বে অংশগ্ৰহণকাৰী সকলে ৰাষ্ট্ৰীয় সংগীত পৰিবেশন কৰে।
অনুষ্ঠানত জিলা জনসংযোগ বিষয়া চৈয়দা হাস্নাহানা বেগম, জ্যেষ্ঠ সাংবাদিক মনোজ গগৈ, মুন্না আগৰৱালা আদিৰ লগতে ভালেমান বিশিষ্ট ব্যক্তি উপস্থিত থাকে।
You may also like
কংগ্ৰেছৰ তিনিটকীয়া চাউলক সমালোচনা কৰা বিজেপিয়ে দিলে এইবাৰ এটকাত
অসম চৰকাৰে শুভাৰম্ভ কৰিলে এটকীয়া চাউল বিতৰণ আঁচনি। সুলভ পুষ্টি আৰু খাদ্যপ্ৰাপ্তি যোজনা চমুকৈ ‘অন্ন আঁচনি’ আনুষ্ঠানিকভাবে উদ্বোধন কৰি মুখ্য মন্ত্ৰী সৰ্বানন্দ…
বিহুৰ দিনাই কংগ্ৰেছৰ নিৰ্বাচনী প্ৰচাৰ চলাবলৈ অসমলৈ আহিব প্ৰিয়ংকা গান্ধী
প্ৰথম পৰ্যায়ৰ ভোটগ্ৰহণ সমাপ্ত হোৱাৰ পাছত এতিয়া দ্বিতীয় আৰু তৃতীয় পৰ্যায়ৰ নিৰ্বাচনৰ বাবে ৰাজ্যৰ ৰাজনৈতিক দলসমূহৰ মাজত ব্যাপক তৎপৰতা পৰিলক্ষিত হৈছে। বিজেপিৰ…
মনমোহন সিঙৰ আলম লৈ নীতিন গাডকাৰীক সমালোচনা কৰিলে কংগ্ৰেছে, কিয়?
বুধবাৰে কংগ্ৰেছে কেন্দ্ৰীয় মন্ত্ৰী নীতিন গাডকাৰীৰ এক মন্তব্যৰ আলম লৈ কেন্দ্ৰক সমালোচনা কৰিছে। গাডকাৰীয়ে মঙলবাৰে এটা অনুষ্ঠানত কৈছিল যে দেশত ক’ভিড-১৯ ভেকচিনৰ…
আৰক্ষীক চুলাইৰ ঘাটিৰ খবৰ দিয়া বাবেই হত্যা যুৱকক; ৰাইজৰ দ্বাৰা চুলাইৰ দোকান লণ্ডভণ্ড
চহৰৰ তেলীয়া পট্টীত চলি থকা অবৈধ চুলাই ব্যৱসায়ৰ আৰক্ষীক খবৰ দি হত্যাৰ বলি হ’ব লগীয়া হ’ল এজন যুৱকে। স্থানীয় ৰাইজে জনোৱা মতে,…