শিৱসাগৰৰ ৰাজপথত জ্বলিল কেন্দ্ৰীয় গৃহমন্ত্ৰী আৰু জনজাতি পৰিক্ৰমা মন্ত্ৰীৰ প্ৰতিকৃতি

বিজেপি গ’ বেক ধ্বনিৰে শুকুৰবাৰে উত্তাল হৈ পৰে শিৱসাগৰৰ ৰাজ পথ।

সদৌ অসম মটক যুৱ ছাত্ৰ সন্মিলনৰ শিৱসাগৰ জিলা সমিতিয়ে শিৱসাগৰৰ দ’লমুখ চাৰিআলিত সাব্যস্ত কৰে এই প্ৰতিবাদ।

উল্লেখ্য যে মটক জনগোষ্ঠীক জনজাতিকৰণৰ মৰ্যাদা প্ৰদান নকৰাত শুকুৰবাৰে কেন্দ্ৰীয় চৰকাৰৰ বিৰুদ্ধে পুনৰ সৰৱ হৈ পৰিল জনগোষ্ঠীটোৰ সংগঠন।

শেহতীয়াকৈ অৰুণাচলৰ কেইবাটাও জনগোষ্ঠীক জনজাতিকৰণ কৰিলে যদিও বাদ পৰিল অসমৰ ছয় জনগোষ্ঠী।

মটক জনগোষ্ঠীক জনজাতিকৰণ নকৰাত শুকুৰবাৰে সদৌ অসম মটক যুৱ ছাত্ৰ সন্মিলনৰ শিৱসাগৰ জিলা সমিতিয়ে কেন্দ্ৰীয় গৃহমন্ত্ৰী অমিত শ্বাহ আৰু জনজাতি পৰিক্ৰমা মন্ত্ৰী অৰ্জুন মুণ্ডাৰ প্ৰতিকৃতি দাহ কৰে।

সন্মিলনৰ অৰ্ধশতাধিক কৰ্মী তথা বিষয়ববীয়াই মটক জনগোষ্ঠীক জনজাতিকৰণৰ মৰ্যদা দিয়ক, অমিত শ্বাহ মুৰ্দাবাদ, মোডী চৰকাৰ হায় হায়, বিজেপি গ’ বেক আদি শ্লোগান দি পৰিৱেশ উত্তাল কৰি তোলে।

মটক জনগোষ্ঠীক জনজাতিকৰণৰ নামত কেন্দ্ৰীয় চৰকাৰে চৰম প্ৰতাৰণা কৰি অহা বুলিও তীব্ৰ ক্ষোভ প্ৰকাশ কৰে সংগঠনটোৱে।