টীয়কত আৰক্ষীৰ অভিযানত সহযোগীৰ সৈতে গ্রেপ্তাৰ দুর্ধৰ্ষ অপৰাধী বাবুল লাহন; জব্দ পিষ্টল

টীয়ক আৰক্ষী থানা আৰু লাহদৈগড় আৰক্ষী চকীৰ যুটীয়া অভিযানত যোৱা নিশা দুৰ্ধৰ্ষ অপৰাধী বাবুল লাহন আৰু তেওঁৰ সহযোগী এজনক গ্ৰেপ্তাৰ কৰা হৈছে।

দুৰ্ধৰ্ষ অপৰাধী বাবুল লাহন আৰু তেওঁৰ সহযোগী জনৰ পৰা এটা পিষ্টল আৰক্ষীয়ে উদ্ধাৰ কৰিছে।

টীয়ক আৰক্ষী থানা আৰু লাহদৈগড় আৰক্ষী চকীৰ বিষয়াই এই বিষয়ে জানিবলৈ দিছে।

সেই অনুসরি, যোৰহাটৰ চেনিজানস্থিত ঘৰৰ পৰা কালি নিশা কুখ্যাত অপৰাধী বাবুল লাহনক গ্ৰেপ্তাৰ কৰাৰ লগতে বিদেশত নিৰ্মিত এটা 7.65 এম এম পিষ্টল উদ্ধাৰ কৰিছে।

উল্লেখযোগ্য যে ডকাইতি, হত্যাৰ দৰে বহু অপৰাধজনিত ঘটনাৰে জড়িতৰ অভিযোগত আৰক্ষীয়ে গ্ৰেপ্তাৰ কৰিছে লাহন আৰু সহযোগী প্ৰভাত গগৈক।

আৰক্ষী ইতিমধ্যে ৬৬৯/২১ নম্বৰ আৰু আৰ্মচ এক্ট ২৫(এ) গোচৰ ৰুজু কৰি তদন্ত চলাই আছে।

বাবুল লাহনৰ বিৰুদ্ধে হত্যা, ধন দাবী, হানী ট্ৰেপিং, অস্ত্ৰৰ চোৰাং সৰবৰাহ, অবৈধ অস্ত্ৰ মজুত ৰখাকে ধৰি বিভিন্ন গোচৰ আছে।

বিভিন্ন জঘন্য অপৰাধৰ সৈতে জড়িত বাবুল লাহনে দীৰ্ঘদিন ধৰি আৰক্ষীৰ চকুত ধূলি দি অপৰাধ সংঘটি কৰি অহাৰ লগতে পলাই থাকিবলৈ সক্ষম হৈছিল।