Assam Police Arrested Mizoram Police : বিস্ফোৰণত জড়িতৰ অভিযোগত মিজোৰাম আৰক্ষীৰ লোকক গ্ৰেপ্তাৰ অসম আৰক্ষীৰ

Assam Police Arrested Mizoram Police : অসম আৰক্ষীয়ে আন্ত:ৰাজ্যিক সীমান্তৰ অসমৰ দিশত থকা এটা আৰক্ষী চকীৰ ওচৰত সংঘটিত বিস্ফোৰণত জড়িত থকাৰ অভিযোগত এজন মিজোৰাম আৰক্ষীৰ লোকক গ্ৰেপ্তাৰ কৰিছে।

মিজোৰাম আৰক্ষীৰ লোকজনক ইণ্ডিয়ান ৰিজাৰ্ভ বেটেলিয়ান (আইআৰবিএন)ৰ জোৱান লালডিনটাৱাংগা বুলি চিনাক্ত কৰা হৈছে।

শনিবাৰে অসম আৰক্ষীয়ে গ্ৰেপ্তাৰ কৰা লালডিনটাৱাংগা মিজোৰমাৰ কোলাশিব জিলাৰ ভৈৰবী অঞ্চলৰ বাসিন্দা।

মিজোৰমাৰ আৰক্ষীৰ লোকজনক অসম আৰক্ষীয়ে মঙলবাৰে অসমৰ হাইলাকান্দি জিলাৰ ৰামনাথপুৰ আৰক্ষী থানাৰ অন্তৰ্গত বাইচেৰা সীমান্ত আৰক্ষী চকীৰ ওচৰত সংঘটিত এক বিস্ফোৰণৰ সৈতে সম্পৰ্ক থকাৰ অভিযোগত গ্ৰেপ্তাৰ কৰে।

Also Read: Centre Warns over Covid surge কোভিড সংক্রমণৰ ঘটনা বৃদ্ধিক লৈ অসম, পশ্চিমবংগক সকীয়ালে কেন্দ্ৰই

হাইলাকান্দিৰ আৰক্ষী অধীক্ষক গৌৰৱ উপাধ্যায়ে সংবাদ মাধ্যমৰ আগত কয়, ‘’ তদন্তৰ সময়ত দেখা গৈছে যে মিজোৰামৰ দুৰ্বৃত্তই বিস্ফোৰকখিনি বিস্ফোৰণৰ বাবে ডেট’নেটিং কৰ্ড ব্যৱহাৰ কৰিছে। আমি মিজোৰামৰ এজন নাগৰিকক বিস্ফোৰকৰ বিস্ফোৰণৰ সৈতে জড়িত থকাৰ বাবে গ্ৰেপ্তাৰ কৰিছো।‘’

ইয়াৰ মাজতে  মিজোৰামৰ পৰা গ্ৰেপ্তাৰ কৰা আৰক্ষীৰ লোক লালডিনটাৱাংগাক হাইলাকান্দিৰ এখন স্থানীয় আদালতে ন্যায়িক জিম্মালৈ প্ৰেৰণ কৰে।

Also Read: কাশ্মীৰত লেণ্ডমাইন বিস্ফোৰণত শ্বহীদ দুগৰাকী সেনা; গুৰুতৰভাৱে আহত আন তিনিগৰাকী

প্ৰায় দুমাহ ধৰি শান্তিপূৰ্ণ হৈ থকাৰ পাছত অসম-মিজোৰাম সীমান্তত এই নতুন উত্তেজনাৰ সৃষ্টি হৈছে।

মিজোৰমা আৰক্ষীৰ লোকজনক ভাৰতীয় দণ্ডবিধিৰ  ধাৰা ৪৪৭ (অনুপ্ৰৱেশ) আৰু ১২০ বি (অপৰাধমূলক ষড়যন্ত্ৰ) ৰ অধীনত গ্ৰেপ্তাৰ কৰা হৈছে।