‘সমাজবাদী পাৰফিউম’! লক্ষ্য আগন্তুক বিধানসভা নিৰ্বাচন!

এইবাৰ বটলৰ ভিতৰত বজাৰলৈ আহিছে ‘সমাজবাদী পাৰফিউম’! আচৰিত হ’লেও ই সত্য।

সমাজবাদী পাৰ্টিৰ সভাপতি অখিলেশ যাদৱে আগন্তুক উত্তৰ প্ৰদেশ বিধানসভা নিৰ্বাচনত ভোটাৰসকলক দললৈ আকৰ্ষিত কৰিবলৈ এটা সুগন্ধি পাৰফিউম মুকলি কৰিছে।

‘সমাজবাদী পাৰফিউম’ নামেৰে নামাঙ্কৃত কৰা ৰঙা আৰু সেউজীয়া ৰঙৰ বটলত উপলব্ধ সুগন্ধিটো ২২ টা প্ৰাকৃতিক সুগন্ধিৰ পৰা তৈয়াৰ কৰা হৈছে।

মঙলবাৰে অখিলেশ যাদৱে কয়, “২০২২ চনৰ নিৰ্বাচনত পাৰফিউমৰ গোন্ধটোৰ যাদু থাকিব।”

উত্তৰ প্ৰদেশত অহা বছৰ ফেব্ৰুৱাৰী-মাৰ্চ মাহত বিধানসভা নিৰ্বাচন অনুষ্ঠিত হ’ব।

সুগন্ধিৰ বাকচটোত সমাজবাদী পাৰ্টিৰ নিৰ্বাচনী প্ৰতীক থকাৰ লগতে অখিলেশ যাদৱৰ এখন ছবি আছে। কনৌজ আৰু উত্তৰ প্ৰদেশৰ সমাজবাদী পাৰ্টিৰ নেতা এমএলচি পুষ্পৰাজ জৈনে ‘সমাজবাদী পাৰফিউম’ উদ্বোধন কৰে।

প্ৰতিটো পাৰফিউম বটলত চাৰিখন পৃথক চহৰৰ সুবাস আছে। এই চাৰিখন চহৰ হৈছে- আগ্ৰা, লক্ষ্ণৌ, বাৰাণসী আৰু কনৌজ।